سرائے عالمگیر(صغیر راٹھور) تحصیل سرائے عالمگیر ؛ قتل ،خودکشی سمیت مختلف واقعات میں خواتین و بچوں سمیت10افراد زندگی کی بازی ہار گئے جبکہ درجن سے زائد زخمی ہوگئے،تفصیل کے مطابق تحصیل سرائے عالمگیر میں گذشتہ 15روز میں قتل وخودکشی ،ٹریفک حادثات میں عورت سمیت 10افرادجاں بحق ہوگئے ،جن میں ملزمان بلال رفیق قوم راجپوت سکنہ کریالہ وغیرہ نے آتشی اسلحہ سے مسلح ہوکرراجہ کبیر صغیر سکنہ کریالہ کو فائرنگ کر کے قتل کردیا، 18سالہ نوجوان خالد حسین ولد عبداللہ قوم پٹھان سکنہ لکی مروت حال مقیم سرائے عالمگیرنہر اپر جہلم جی ٹی روڈ سرائے عالمگیر کے مقام پر اپنے دوستوں کے ہمراہ نہانے گیا جہاں پر نہر میں ڈوب گیا ، طور کا رہائشیBAکا طالب علم عمران اشرف دریا جہلم میں نہاتے ہوئے ڈوب کر جابحق ہوگیا،جبکہ ٹرک اور مزدا کے تصادم میں غلام علی ،محمد اقبال و غیرہ شدید زخمی ہوگئے ، ہزارہ پل کے مقام پرموٹر سائیکل اور ٹریکٹر ٹرالی کے درمیان تصادم کے نتیجہ میں موٹر سائیکل سوار15سالہ نوجوان ارسلان لطیف عرف شانی جاں بحق جبکہ شفاقت حسین شدید زخمی ہوگیا ، شادی کی تقریب سے واپسی پر آتے ہوئے میاں بیوی جی ٹی روڈ نزد بس اسٹاپ سرائے عالمگیر کے مقام پر مزدا ٹرک سے جا ٹکرائیں جس کہ نتیجہ میں احسن علی ولد محمد شفیق سکنہ مڑل شکریلہ موقع پر جا ں بحق ہوگیا جبکہ بیوی معمولی زخمی ہوگئی ،زیر تعمیر جی ٹی روڈپر موٹر سائیکل سوار 2افراد گر نے سے معمولی زخمی ہو گئے ، نوا حی گا ؤ ں کھو ہا ر کے رہا ئشی نو ید احمد نے گھر یلو رنجش کی بنا ء اپنی حقیقی بہن تعظیم بی بی بیو ہ محمد رفیق کو ڈنڈوں کے وار سے قتل کر دیا ، نواحی گاؤں کھوہار میں نامعلوم افرادنے آتشی سے فا ئرنگ کر کے گھر میں سوئے ہوئے 27سالہ نوجوان محمد وقاص ولد عبدالطیف کو فائرنگ کر کے قتل کردیا ،محلہ فرح آباد میں6سالہ معصوم بچی آگ سے جھلس کر جابحق ہوگئی، ملک پور کے رہائشی65سالہ شخص حبیب الرحمن نے نامعلوم وجوہات پرنہر اپر جہلم سرائے عالمگیر میں جبکہ40سالہ تبسم نے دریا جہلم میں چھلانگ لگا کر زندگی کا خاتمہ کرلیا۔
