تمام محفلین اور عالم اسلام کو ربیع الاول کی آمد اور عید میلاد النبی مبارک ہو۔ چوہدری آصف گورسی
پیرس (نمائندہ خصوصی) فرانس کی ممتاز سیاسی وسماجی شخصیت چوہدری آصف گورسی نے ربیع الاول کی آمد پر دلکش نعتییہ اشعار کہے اور تمام اہل ایمان اور پاکستانیوں کو مقدس ماہ کی آمد کی مبارکباد پیش کی ۔ انہوں نے وطن عزیز کی سلامتی اور امت مسلمہ کیلئے اس موقع پر نیک دعائوں کی اپیل بھی کی اور اس میں شرک ہوئے
حضور آپ آئے تو دل جگمگائے ورنہ لا چاروں کا کیا حال ہوتا
اسیروں کنیزوں پہ کیا کچھ گزرتی مصیبت کے ماروں کا کیا حال ہوتا
آپ آئے ہیں تو یہ آئیں بہاریں ہر سمت صلی علی کی پکاریں
جو ماہ ربیع الاول نہ ہوتا تو پھر ان بہاروں کا کیا حال ہوتا
سبھی انبیاء ہیں سلامی کو آئے پیچھے کھڑے ہیں قطاریں بنائے
ان سب میں گر کملی والے نہ ہوتے تو لاکھوں ہزاروں کا کیا حال ہوتا
اد ب سے پکارے ملائک بھی سارے کہ تشریف لائے ہیں آقا ہمارے
وہ معراج کی شب عرش پر نہ جاتے تو چاند اور ستاروں کا کیا حال ہوتا
زمیں خوش فلک خوش حورو ملک خوش خالق بھی خوش ہے ساری خلق خوش
ہوتی نہ گر خوش یہ ساری خدائی تو رنگیں نظاروں کا کیا حال ہوتا
محشر میں ہم سب ہی گھبرا گئے تھے دوزخ کی آتش سے تھرا گئے تھے
حضور آپ گر نہ ہمیں بخشواتے تو ہم گناہ گاروں کا کیا حال ہوتا
ہم ہیں مقدر پہ نازاں ظہوری کہ مدت کے بعد ملا ازن حضوری
وہ غاروں میں رو رو دعائیں نہ کرتے تو ہم خطا کاروں کا کیا حال ہوتا
٭٭٭٭٭٭٭٭٭٭٭٭٭٭٭٭٭٭٭٭٭٭
صل اللہ علیک وسلم یا سیدی یا حبیبی یا مولائی یا رسول اللہ۔۔۔
