ایسی کون سی چیز ہے جو حکومت ۔۔۔ مریم اورنگزیب نے حکومت سے انوکھا مطالبہ کر ڈالا

لاہور(ویب ڈیسک )مسلم لیگ ن کی ترجمان مریم اورنگزیب نے کہا ہے کہ حکومت کی بوکھلاہٹ ہرگزرتے دن کے ساتھ بڑھتی جارہی ہے،احتساب عدالت کے اطراف کوکنٹینرلگاکربندکردیاگیاہے ۔لاہور میں احتساب عدالت کے باہر میڈیا سے گفتگو کرتے ہوئے مریم اورنگزیب نے کہا کہ کل اتوار کو بیوروکریسی کو بدل دینا
کس چیز کاڈر ہے۔ شہبازشریف کوبے بنیاد کیس میں گرفتار کیا گیا ہے۔پہلے پاکپتن ڈی پی اوکامعاملہ پھردرانی صاحب نے استعفادےدیا۔انھوں نے کہا کہ کل آپ نے اپنے ایک وزیرکے کہنے پرآئی جی اسلام آبادکوہٹادیا۔ ایسی کون سی چیز ہے جو عوام سے چھپائی جارہی ہے۔ دوسری جانب ایک خبر کے مطابق پاکستان مسلم لیگ (ن )کی ترجمان مریم اورنگزیب نے کہا ہے کہ کابینہ کا اجلاس بلاکر ارکان کو فلم ڈونکی کنگ دکھائی جائے، کابینہ ارکان کو ہماری بات سمجھ نہیں آرہی، شایدڈونکی کنگ کی بات سمجھ آئے۔مریم اورنگزیب نے احاطہ عدالت میں میڈیا سے گفتگو کرتے ہوئے کہا کہ مسلم لیگ (ن )کے لوگوں پر خود ساختہ الزامات لگائے جا رہے ہیں۔ ترجمان مسلم لیگ (ن) نے کہاکہ فواد چوہدری کے اس بیان کانوٹس لیا جائے کہ نوازشریفسو فیصد جیل جائیں گے، ایک عدالت احتساب کورٹ میں لگی ہے تو دوسری فواد چوہدری نے لگا رکھی ہے۔انہوںنے کہا کہ عمران خان کی ساری کابینہ ذہنی طور پر ڈی چوک پر بیٹھی ہے ،ْ حکومت یوٹیلیٹی اسٹور کے ملازمین کا کوئی حل نکالے۔رہنما مسلم لیگ (ن )نے کہا کہ کابینہ کا اجلاس بلایا جائے، ارکان کو اینیمیٹڈ فلم ڈونکی کنگ دکھائی جائے، کابینہ ارکان کو ہماری بات سمجھ نہیں آ رہی ،ْشایدڈونکی کنگ کی بات سمجھ آئے۔