اسلام آباد (مانیٹرنگ ڈیسک) شہباز شریف کی قومی اسمبلی آمد، اپوزیشن لیڈر کے پہنچتے ہی پی ٹی آئی رہنماء نے آواز لگا دی کہ زخمی شیر، جیسے ہی یہ صدا قومی اسمبلی میں گھونجی پورا ایوان قہقہوں سے گونج اُٹھا، لیکن ن لیگی رہنماء رانا تنویر اشرف نے شہباز شریف کی محبت میں ایسی بات کہہ دی کہ اسپیکر قومی اسمبلی اسد قیصر کو مداخلت کرنا پڑ گئی، ارکان کو آخری وارننگ بھی دے ڈالی۔تفصیلات کے مطابق قومی اسمبلی کے اجلاس میں نیب کی حوالات میں قید شہباز شریف جب اجلاس میں شرکت کرنے کے لیے قومی اسمبلی پہنچے تو وہاں پر موجود پی ٹی آئی رہنماء راجہ ریاض نے شہباز شریف کو دیکھتے ہی آواز لگائی کہ زخمی شیر آگیا۔ راجہ ریاض کی بات سنتے ہی پورا ایوان قہقہوں سے گونج اُٹھا لیکن ن لیگی رہنماء رانا تنویر بھی خاموش نہ رہے اور انہون نے راجہ ریاض کو چمچہ قرار دے دیا ۔ بات یہی نہیں رکی، رانا تنویر کے بعد لیگی ارکان اسمبلی نے راجہ ریاض کو لوٹا لوٹا کہنا شروع کر دیا ، بد مغضی پیدا ہوتے ہی اسپیکر قومی اسمبلی اسد قیصر کو مداخلت کرنا پڑ گئی ۔ اسد قیصر نے فوری طور پر راجہ ریاض اور رانا تنویر کے الفاظ کو قومی اسمبلی کارروائی سے حذکرنے کا احکامات جاری کیے اور ساتھ ہی دونوں رہنماؤں کو سخت ترین وارننگ بھی دے ڈالی۔ اسد قیصر کا کہنا تھا کہ میں دونوں رہنماؤں سمیت تمام اراکین اسمبلی کو وارننگ دیتا ہوں کہ آئندہ ایسا رویہ اپنانے سے گریز کریں اور ماحول کو خراب ہونے سے بچائے۔ مستقبل میں کسی نے ایسا رویہ اپنایا تو اس کے خلاف سخت کارروائی ہوگی
شہباز شریف کی قومی اسمبلی آمد، راجہ ریاض نے اپوزیشن لیڈر کو زخمی شیر جبکہ رانا تنویر نے پی ٹی آئی رہنماء کو چمچہ قرار دے دیا
