نجی ٹی وی نے اپنے ذرائع کے حوالے سے بتایا ہے کہ وفاقی وزیر ریلوے شیخ رشید اور وفاقی وزیر برائے آبی وسائل فیصل واوڈا 100 روزہ امتحان میں پاس ہوگئے ہیں اور وزیراعظم ان کی کارکردگی سے مطمئن ہیں،، رپورٹ میں بتایا گیا کہ شیخ رشید نے وزارت ریلوے کی کارکردگی پر کابینہ اجلاس کو بریفنگ دی جس پر اجلاس میں ڈیسک بجا کر انہیں خراج تحسین پیش کیا گیا،،وزیراعظم عمران خان نے شیخ رشید سے سوال کیا کہ ‘شیخ رشید صاحب، آپ کو ریلوے کے افسران فیل کرنے کی کوشش تو نہیں کررہے جس پر شیخ رشید نے کہا کہ ‘ابھی تو حالات ٹھیک ہیں، ایسا محسوس کیا تو آپ کے علم میں لاؤں گا’،، ٹی وی نے ذرائع کے حوالے سے بتایا کہ شیخ رشید نے وزیراعظم سے کہا کہ ‘ریلوے کو آپ کے وژن کے مطابق آئندہ بھی نمبر ون ہی رکھیں گے، 20 نئی ٹرینیں چلائیں، ایک سال کا ٹارگٹ تین ماہ میں مکمل کرلیا، چار فریٹ،3 ٹورسٹ ٹرینیں بھی چلارہے ہیں’۔ شیخ رشید نے بتایا کہ ‘میرے دور میں ریلوے نے دو ارب روپے اضافی کمائے، خیال رہے کہ وفاقی کابینہ میں یہ فیصلہ کیا گیا ہے کہ ہر تین ماہ بعد وزارتوں کی کارکردگی کے جائزے کے لیے اجلاس طلب کیا جائے گا۔
9 گھنٹے جاری رہنے والے کابینہ اجلاس میں کس وزیر کی رپورٹ نے وزیراعظم کے دل کو چھو لیا ؟
