پیرس،خطہ پوٹھوہار کی معروف شخصیت چیئرمین یوسی دوبیرن کلاں راجہ ندیم احمددورہ فرانس پر، مسلم لیگ ن کے مرکزی راہنما راجہ علی اصغر کا پرتکلف ظہرانے کا اہتمام
پیرس(نمائندہ خصوصی)خطہ پوٹھوہار کی معروف سیاسی وسماجی شخصیت راجہ ندیم احمد چیئرمین یوسی دوبیرن کلاں،تحصیل کرسیداں ان دنوں پیرس اوربارسلونا کے دورہ پر ہیں۔ تفصیلات کے مطابق پیرس میں ملک افضال اور ملک انصر کی میزبانی میں ان کا دورہ جاری ہے ۔ اس دوران آج راجہ علی اصغر مرکزی راہنما مسلم لیگ ن فرانس نے ان کے اعزاز میں پرتکلف ظہرانے کا اہتمام کیا ۔
ظہرانے میں فرانس مسلم لیگ کے مرکزی راہنمائوں کے علاوہ ممتاز سیاسی وسماجی شخصیات نے شرکت اور راجہ ندی احمد سے ملاقات کی۔
چیئرمین راجہ ندیم احمد نے تمام شرکا سے تفصیلی ملاقات کی اور ظہرانہ کے بعد وہ موجودہ ملکی صورتحال پر اپنا اظہار خیال کرتے ہوئے یس اردو نیوز سے بات چیت کی
ان کا کہنا تھا پاکستان مسلم لیگ ن نے پچھلے پانچ سالوں میں کم وقت میں معاشی ترقی کی اعلیٰ مثال قائم کی جسے عالمی سطح پر بھی سراہا گیا۔ پاکستان جوتیزی سے ترقی کرتی ہوئی معیشتوں میں شامل ہوچکا تھا ۔ آج حالات یہ ہیں کہ نئی حکومت آتے ہی بھاری قرضوں کے ساتھ ساتھ عوام کو بھاری ٹیکسوں، مہنگی بجلی، اشیائے ضروریہ کی گرانی سمیت انفراسٹرکچر منصوبوں کی عدم توجہی سے پریشان کر رہی ہے۔ عوام ذہنی مریض بن چکے ہی خود حکومت کے حامی بھی پریشان ہیں کہ وہ اس صورتحال پر ہنسیں یا روئیں۔
