لاہور(ویب ڈیسک) کئی اداکاراؤں کے ہاتھ 2019 میں بھی پیلے نہ ہو سکے تاہم پورا سال کئی اداکاراؤں کی شادی کی خبریں گردش میں رہیں جن میں میرا، مائرہ خان،ریشم ،لیلیٰ، زارا شیخ، نرما،اور دیگر شامل ہیں۔ رپورٹ کے مطابق تمما اداکاراؤں کی عمر 35 سے 50 سال کے درمیاں ہے۔ یاد رہے کہ ماضی
میں پاکستانی شوبز انڈسٹری کی متاثر کن، نامور اور زیادہ کمائی کرنے والی اداکاراؤں میں شمار ہونے والی ریشم کے حوالے سے تازہ خبر یہ ہے کہ انہوں نے ایک بار پھر شادی کرنے کا فیصلہ کرلیا ہے۔ اداکارہ ریشم نے ایک بار پھر اس عزم کا اعادہ کیا ہے کہ وہ آئندہ سال 2020 میں پیا گھر سدھار جائیں گی۔ یہ پہلا موقع نہیں ہے کہ اداکارہ نے شادی کرنے کے لیے رضا مندی ظاہر کی ہو، اس سے قبل بھی انہوں نے سال 2019 کے آغاز میں ہی کہا تھا کہ وہ رواں سال کے اختتام تک شادی کرلیں گی۔لاہور رنگ نے اپنی رپورٹ میں بتایا تھا کہ اداکارہ ریشم نے اس بات کی تصدیق کی ہے کہ وہ سال 2019 کے اختتام تک شادی کرلیں گی۔اداکارہ نے اس بات کی بھی تصدیق کی تھی کہ وہ کسی شوبز شخصیت سے نہیں بلکہ کاروباری شخص سے شادی کریں گی، تاہم انہوں اپنے ہونے والے جیون ساتھی سے متعلق مزید کوئی تفصیلات نہیں بتائی تھیں۔ ادکارہ گزشتہ کچھ عرصے سے ماڈلنگ کرتی دکھائی دیتی اس سے قبل اداکارہ ریشم کے پاکستانی نژاد فرانسیسی فیشن ڈیزائنر کے ساتھ تعلقات کی خبریں گردش کرتی رہیں مگر اس حوالے سے کوئی تصدیق نہیں ہو سکی تھی۔سال 2019 کے اختتام تک شادی نہ کرنے کے حوالے سے جب اداکارہ سے ایک ویب سائٹ نے پوچھا تو انہوں نے اس بات کی تصدیق کی کہ وہ آئندہ سال تک شادی کرلیں گی۔پرو پاکستانی‘ نے اپنی رپورٹ میں بتایا کہ اداکارہ ریشم اس سال 51 برس کی ہوگئیں، تاہم کچھ مسائل اور مشکلات کی وجہ سے ان کی شادی نہیں ہو پائی لیکن اب انہوں نے اس حوالے سے حتمی فیصلہ کرلیا۔
