کراچی ؛ماہرین فلکیات نے پیشگوئی کی ہے کہ عیدالاضحی 22 اگست کو ہونے کا امکان ہے جبکہ ممکنہ طور پر پاکستان اور سعودی عرب میں عید قرباں بدھ کو ایک ہی روز ہو سکتی ہے ۔تفصیلات کے مطابق ماہرین فلکیات کے مطابق اس بار ذیقعد کا مہینہ 29 ایام پر
مشتمل ہونے کا امکان ہے اور 12 اگست اتوار کے روز ذی الحج کا چاند نظر آنے کا قوی امکان ہے ، جس کے باعث یکم ذی الحج 13 اگست بروز پیر اور عید الاضحی 22 اگست بروز بدھ 10 ذی الحج کو ہو گی، جب کہ اس بار پاکستان اور سعودی عرب میں بدھ کو ایک ہی روز عید قربان ہونے کا بھی امکان ہے، جب کہ فرزندان اسلام 21 اگست بروز منگل کو فریضہ حج کی سعادت حاصل کریں گے۔دوسری جانب ذی الحج 1439ھ کا چاند دیکھنے کے لیے رویت ہلال کمیٹی کا اجلاس 12 اگست، 29ذیقعد اتوار کے روز کراچی میں طلب کر لیا گیا ہے، جبکہ ماہرین فلکیات نے چاند اتوار کو نظر آنے کی پیش گوئی کر دی ہے۔ اور عید 22 اگست بدھ کے روز ہونے کا امکان ہے۔
