اسلام آباد (نیوز ڈیسک ) مفتی کفایت اللہ کے جمائما سے متعلق دعوے پر اب جمائما گولڈ اسمتھ کا رد عمل بھی آگیا ہے۔ تفصیلات کے مطابق مائیکروبلاگنگ ویب سائٹ ٹویٹر پر اپنے پیغام میں جمائما گولڈ اسمتھ نے کہا کہ بظاہر میرا میرا ایک کزن ہے ”وکی” کو وکی لیکس کا بانی ہے۔ وکی لیکس ایک صیہونی آلہ ہے جوعمران خان کے صیہونی ایجنڈے کو سپورٹ کرتا ہے۔
اور یہ سب ایک ایسے شخص نے کہا جو ایک نام نہاد اسکالر ہے۔ انہوں نے کہا کہ ”وکی کزن ہے جمائما کا”۔جمائما نے اپنے ٹویٹر پیغام میں اس بیان کو مضحکہ خیز قرار دیا اور ہنسنے والے ایموجیز بھی بنائے۔
خیال رہے کہ نجی ٹی وی چینل کے پروگرام میں بات کرتے ہوئے جمیعت علمائے اسلام (ف) کے رہنما مفتی کفایت اللہ نے دعویٰ کیا تھا کہ وکی لیک، جمائما اور عمران خان ایک بہت بڑے ایجنڈے کا حصہ ہیں۔انہوں نے کہا کہ وکی جمائما کا کزن ہے یہ میرا اندازہ ہے لیکن اس حوالے سے میں تحقیق کر کے بھی آپ کو جواب دے دوں گا۔ انہوں نے کہا کہ میں کہہ رہا ہوں کہ یہ سب ایک ایجنڈے کا حصہ ہیں اس کو تو مانیں۔ انہوں نے کہا کہ وکی ایک یہودی ہے جو لوگوں پر غلط الزامات لگاتا ہے ۔ وکی لیکس بھی اسی بندے نے جاری کی ہیں جو میرے پاس موجود ہیں۔ مفتی کفایت اللہ کے دعوے پر اینکر پرسن نے انہیں بتایا کہ اس پورے معاملے میں وکی نام کا کوئی بندہ نہیں ہے جس پر انہوں نے کہا کہ وکی اپنے نام سے مشہور ہے۔انہوں نے کہاکہ وکی نام کا اگر کوئی بندہ نہیں ہے تو کردار تو ہے ۔ جو لیکس کرتا ہے۔ مفتی کفایت اللہ کے اس مضحکہ خیز دعوے اور نرالی منطق پیش کرنے پر پروگرام کے میزبان سمیت مہمان بھی ہنسے بغیر نہ رہ سکے۔
