استنبول (نیوز ڈیسک ) ڈرامہ سیریز ارطغرل کے موسیقار 48 سال کی عمر میں انتقال کر گئے۔تفصیلات کے مطابق دنیا بھر میں شہرت کی بلندیوں پر پہنچنے والے ڈرامہ سیریل ارطغرل غازی کی مسحور کن دھن بنانے والے موسیقار48 سال کی عمر میں انتقال کر گئے۔ان کے انتقال کی خبر ڈرامہ پروڈیوسر محمد بوزداغ نے اپنے ٹوئٹر اکاؤنٹ پر دی۔سپرہٹ سیریز میں 18 دھنیں استعمال کی گئی۔تاہم دنیا بھر میں اپنی دھن سے تہلکا مچا نے والا ترک موسیقار اب ہم میں نہیں رہا۔ارطغل غازی کی دھن کو بہت زیادہ پسند کیا گیا،اس دھن کو نہ صرف ترکی بلکہ دنیا بھر میں سراہا گیاااور یہ دھن لوگوں کو اپنے سحر میں جکڑ لیتی ہے۔ترکش ڈرامہ ارطغل غازی پر پاکستانیوں کے ردِعمل نے بھی ڈرامہ بنانے والوں کے دل جیت لیے۔یکم رمضان سے پاکستان میں نشر کی جانے والی اس سیریز کو بنانے والے پاکستان میں زبردست کامیابی اور شاندار پزیرائی ملنے پر بے حد خوش ہیں۔سیریز پاکستانی شائقین تک پہنچانے میں پیش پیش ریاض منٹی کا پاکستان سے مکنے والی پزیرائی کے حوالے سے کہنا تھا کہ مذکورہ سیریز پر پاکستان میں اتنا اچھا ردِعمل دیکھنے میں آیا کہ خوشی ناقابل بیان ہے۔انہوں نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ پہلی قسط نشر ہوتے ہی ارطغل غازی پاکستان میں مقبولیت کے تمام ریکارڈر توڑرہا ہے۔اور روز ہی اس کی قسطیں پاکستان میں یوٹیوب چینل پر ٹرینڈ کر رہی ہوتی ہیں،ترکی سرکاری چینل ٹی آر ٹی کے ڈیجیٹل ترکش ریڈیو اور ٹی وی کے ڈائریکٹر ریاض منٹی نے پاکستان میں اس ڈرامے کی خوبصورت ڈبنگ کی تعریف کرتے ہوئے کہا کہ پی ٹی وی نے ڈبنگ اور بروڈ کاسٹ کے حوالے سے بہت عمدہ کام کیا۔اس چینل کو سبسکرائب کرنے والوں کی تعداد میں روز بروز اضافہ ہو رہا ہے۔اس چینل نے ایک ماہ سے بھی کم کے عرصے میں 9 لاکھ 90ہزار سبسکرائبرز حاصل کر لیے ہیں۔ریاض منٹی نے کہا کہ آن لائن میڈیم پر صارفین کی بڑی تعداد کا یہ ڈرامہ دیکھنا ایک بڑی کامیابی ہے۔واضح رہے کہ پاکستان ٹیلی ویژن پر حال ہی میں نشر ہونے والے ترک ٖڈرامے ارطغرل غازی کے یوٹیوب چینل نے مقبولیت کے ریکارڈ توڑ دیئے ہیں اور 10 دنوں کے کم وقت میں ایک میلن سے زائد سبسکرائبر حاصل کر لئے ہیں۔جس کے بعد ڈرامہ ارطغرل غازی ٹویٹر پر بھی ٹاپ ٹرینڈ میں آ گیا ۔سماجی رابطے کی ویب سائٹ پر جاری ایک بیان میں پاکستان ٹیلی ویژن کی جانب سے موقف ایک ماہ میں سب سے زیادہ سبسکرائبر حاصل کرنے کا ریکارڈ 6۔6 ملین ہے جو کہ ہم حاصل کرسکتے ہیں ۔ یہ بات بھی قابل غور رہے کہ ڈرامے نے پاکستان بھر میں مقبولیت حاصل کی ہے، وزیراعظم عمران خان کی ہدایت پر یہ ڈ رامہ پی ٹی وی پر نشر کیا جا رہا ہے ۔
انا للہ وانا لیہ راجعون۔۔!! ارتغرل سیریز کو شہرت کی بُلندیوں پر پہنچانے والی شخصیت انتقال کر گئی
