شیخوپورہ (ویب ڈیسک)آئے روز اخبارات میں خبریں آتی ہیں کہ خاتون شادی کے بعد اپنے شوہر کو لوٹ کر فرار ہو گئی تاہم آج ایک انوکھی کہانی سامنے آئی ہے جس کے مطابق خاتون نے رقم ہتھیارنے کیلئے ایسا راستہ اپنایا کہ کوئی عورت اس بارے میں سوچ بھی نہیں سکتی۔ متاثرہ شہری عبدالستار نے بتایا کہ کھاریانوالہ کی رہائشی خاتون رخسانہ کوثر جو کہ اللہ دتہ کی بیٹی ہے ، نے مجھے کہا کہ میں بیوہ خاتون ہوں جس پر میں نے اس کے ساتھ نکاح کر لیا اور نکاح نامے میں بھی بیوہ لکھوایا تاہم شادی کے کچھ عرصہ کے بعد میں نے اس کے پہلے خاوند کا ڈیتھ سرٹیفکیٹ مانگا تو اس نے لڑائی جھگڑے شروع کر دیئے اور خاموشی اختیار کر لی اور اب اس نے میرے ساتھ وقت پورا کر کے گاوں کے کسی اور شخص کے ساتھ تعلقات استوار کر لیے ہیں اور اس شخص کا نا م مشتاق ہے ۔ مجھے معلوم ہوا کہ میری بیوی نے پہلے بھی دو شادیاں کر رکھی ہیں اور پہلی شادی اسلم نامی شخص سے کر رکھی تھی جس سے اس کی ایک بیٹی نور فاطمہ بھی پیدا ہوئی اوراس کے بعد رفیق نامی شہری سے دوسری شادی کر لی ۔ اور دونوں شوہروں سے طلاق حاصل نہیں کی اور میرے ساتھ بھی جھوٹ بول کر شادی کر لی ۔ وہ خاتون اپنے سابق شوہروں کو بھی بلیک میل کر کے رقم حاصل کرتی رہی ہے اور جب مجھے یہ ساری صورتحال کا علم ہوا تو میں نے اسے گھر سے نکال دیا۔ اب وہ مجھ سے رقم ہتھیانے کیلئے عدالت کا سہارا لے رہی ہے اور پہلے خاوند سے پیدا ہونے والی بچی کا بھی خرچ مجھ سے مانگ رہی ہے جس کا ثبوت جب میں نے عدالت میں پیش کیا تو عدالت نے میرا موقف قبول کرتے ہوئے بچی دعا فاطمہ کا خرچ بند کر دیا، لیکن اب یہ خاتون گاﺅں کے شخص کے ساتھ مل کر اسے ہراساں کررہی ہے۔
خاتون نے تیسری شادی کر لی ،بیوی کی ایسی چیز شوہر کے سامنے آ گئی
