اسلام آباد: سابق وزیر اعظم نواز شریف کی نااہلی کا نوٹی فکیشن ہائی کورٹ میں چیلنج کردیا گیا ہے۔
شہری شاہد اورکزئی نے سابق وزیر اعظم نواز شریف کی نااہلی سے متعلق 28جولائی کو جاری کئے گئے الیکشن کمیشن کے نوٹی فکیشن کو چیلنج کیا ہے اور اس درخواست میں سیکرٹری الیکشن کمیشن کو فریق بنایا گیا ہے۔ درخواست میں موقف اختیار کیا گیا ہے کہ کسی فریق نے ایف زیڈ ای کمپنی کی تنخواہ کی بنیاد پر نواز شریف کی ناہلی کی درخواست نہیں کی تھی اور آئین کے تحت سپریم کورٹ آرٹیکل 184/3 کی درخواست میں ایسا فیصلہ جاری کرنے کی مجاز نہیں جس کی استدعا نہ کی گئی ہو۔ آئین ملک کے وزیراعظم کی برطرفی کی حمایت نہیں کرتا۔
