بھارتی حکومت نے 200 ہندو یاتریوں کو پاکستان آنے سے روک دیا- 200 ہندو یاتریوں نے 11 فروری کو مذہبی تہوار منانے آنا تھا.
لاہور: (ویب ڈیسک) بھارتی حکومت نے 200 ہندو یاتریوں کو پاکستان آنے سے روک دیا ہے۔ بھارت سے 200 ہندو یاتریوں نے کل 11 فروری کو ایک مذہبی تہوار منانے کے لیے پاکستان آنا تھا لیکن بھارتی حکومت نے انہیں اجازت دینے سے انکار کردیا، بھارتی حکومت ہندو ﺅں کو ڈرا دھمکا کر پاکستان آنے سے روک رہی ہے۔ ہندو یاتریوں کو پاکستان آنے سے روکنا 1974 کے باہمی معاہدے کی خلاف ورزی ہے اور ہندو برادری بھارت کی اس مذہبی دہشت گردی کو مسترد کرتی ہے، ہندو راہنما ڈاکٹر منوہر چند کرشنا مندر میڈیا کو بتایا کہ نئی دہلی حکومت نے اپنے ہندو یاتریوں کو پاکستان آنے سے روک دیا ہے۔ 1982 سے ہندو یاتری پاکستان آرہے ہیں لیکن کسی ایک یاتری کو بھی آج تک کوئی نقصان نہیں پہنچا، پاکستان میں بھارتی ہندو اور سکھ یاتریوں کی بہترین خدمت اور حفاظت کی جاتی ہے۔
