گگومنڈی; آزاد امیدوار این اے 162 عائشہ نذیر جٹ نے اے سی بورے والا پر مسلم لیگ ن کے امیدواروں کی حمایت کے الزام میں الیکشن کمشن پنجاب نے نوٹس لے لیا ہے۔ الیکشن کمشن کے حکم پر ڈی سی وہاڑی نے اے سی بورے والا، تحصیلدار اور نائب تحصیلدار سمیتریونیو عملہ کو وضاحت کے لئے 2 جولائی کو طلب کرلیا۔ عائشہ نذیر جٹ نے اسسٹنٹ کمشنر بورے والا پر الزام عائد کیا تھا کہ وہ دیگر ریونیو عملہ مسلم لیگ ن کے امیدواروں کی طرف داری کررہے ہیں۔دوسری جانب ایک اور خبر کے مطابق پنجاب اسمبلی میں سابق اپوزیشن لیڈر میاں محمودالرشید نے خیبر پختونخوا سمیت پنجاب اور مرکز میں حکومت بنانے کا دعویٰ کر دیا۔ تفصیلات کے مطابق میاں محمودالرشید نے حلقہ پی پی160کے علاقے علامہ اقبال ٹائون، اچھرہ اور اسکے ملحقہ بازراوں میں انتخابی مہم کے سلسلے میں دورہ کیا۔ اس موقع پر تحریک انصاف کی مقامی قیادت زاہد گجر، شیخ خرم، ریاض جٹ، ملک امجد، امتیار بلا، مدثر کمبوہ، عثمان کبیر، وکی خان و دیگر بھی انکے ہمراہ تھے۔ اس موقع پر انہوں نے کہا کہ تحریک انصاف کو عوام میں بھرپور پذیرائی مل رہی ہے جس سے اندازہ ہوتا ہے کہ تحریک انصاف قومی اسمبلی کی 100سے زائد نشستیں حاصل کرتے ہوئے ناصرف ایک بار پھر خیبر پختونخوا بلکہ پنجاب اور مرکز زمیں بھی حکومت بنائے گی۔ آنے والے وقت میں مسلم لیگ ن کا نام لینے والا کوئی نہیں ہوگا کیونکہ عوام میںجعلی خادموں اور سادگی کا نعرہ لگا کر ملک کو دونوں ہاتھوں سے لوٹنے والوں کے مکروہ چہرے بے نقاب ہو چکے ہیں، مسلم لیگ ن کے امیدوار جہاں جاتے ہیں عوام ان سے سوال پوچھتے ہیں کہ انہوں نے اپنے دور اقتدار میں کیا کیا ہے؟ جس کا جواب ن لیگ کے امیدواروں کے پاس نہیں ہے۔
پنجاب کے اہم ترین ضلع کا وہ اسسٹنٹ کمشنر جو سر عام (ن) لیگی امیدواروں کی حمایت کر رہا ہے ۔۔۔ تحریک انصاف کی دبنگ خاتون کے انکشاف نے سب کو حیران کر ڈالا
