ہسپتال انتظامیہ کے مطابق آپریشن سے قبل بیمار بچے ابراہیم کی حالت اب بھی تشویشناک ہے لیکن اسماعیل بہتری کی طرف گامزن ہے
لاہور : شیخوپورہ سے تعلق رکھنے والے دھڑ جڑے بچوں کو علیحدہ کرنے کا آپریشن کامیاب ہو گیا ، لاہور چلڈرن ہسپتال میں سات گھنٹے طویل آپریشن کے بعد بچوں کو بعد میں آئی سی یو وارڈ میں منتقل کر دیا گیا ۔
یس نیوز کی ساڑھے تین ماہ سے جاری کوششیں رنگ لے آئیں، دھڑ جڑے بچوں کو کامیاب آپریشن کے بعد علیحدہ کر دیا گیا ۔ اتوار اور پیر کی درمیانی شب ایک بچے ابراہیم کی طبیعت اچانک بگڑ گئی تو رات گئے ڈاکٹروں کی ٹیم سرجن محمود شوکت کی سربراہی میں چلڈرن ہسپتال پہنچ گئی اور دونوں کی علیحدگی کا آپریشن کیا جو صبح چھے بجے تک جاری رہا ، ڈاکٹرز نے اس آپریشن کو معجزہ قرار دیا ہے ۔
ہسپتال انتظامیہ کے مطابق آپریشن سے قبل بیمار بچے ابراہیم کی حالت اب بھی تشویشناک ہے لیکن اسماعیل بہتری کی طرف گامزن ہے ۔ بچوں کی مکمل صحت یابی تک انہیں انتہائی نگہداشت کے وارڈ میں رکھا جائے گا ۔
