جگہ جگہ رکاوٹیں، پولیس والوں کے ناکے، شیریں مزاری آج بھی روکے جانے پر برہم

اسلام آباد: بنی گالہ کے باہر روکے جانے پر شیریں مزاری برہم ہو گئیں ، اے سی سمیت پولیس افسر کو ڈانٹ پلا دی ، پولیس اہلکاروں کے ساتھ تو تکار کے بعد آخر کار بنی گالا پہنچ گئیں ۔

شیریں مزاری بنی گالا پہنچنے کے لئے آج بھی ان ایکشن رہیں ۔ کہیں بیرئیر ،تو کہیں خواتین پولیس اہلکاروں کی دیوار ۔ تاہم شیریں مزاری بھی جانے پر اڑی رہیں ۔ شیریں مزاری کی گاڑی کی چاپی لے کر پولیس اہلکار رفو چکر ہوا تو انہوں نے شور مچانا شروع کر دیا ۔ آخر کار شیریں مزاری کی کوششیں رنگ لائیں ۔ امپاسبل مشن بنی گالا پاسبل ہوا اور شیریں مزاری عمران خان کی رہائش گاہ پہنچنے میں کامیاب ہو گئیں ۔

بنی گالا پہنچنے کے بعد میڈیا سے بات کرتے ہوئے شیریں مزاری نے کہا کہ چودھری نثار کم سے کم ٹی وی پر آکر جھوٹ نہ بولیں ۔ انہوں نے میڈیا کے تعاون پر خصوصی شکریہ ادا کیا ۔

گزشتہ روز بھی شیریں مزاری اور عظمی کار دار پولیس کے ساتھ جھڑپ کے بعد پہنچنے میں کامیاب ہوئی تھیں ۔