گلوکارہ بالی ووڈنگری کی شارٹ فلم میں اداکاری کے جوہر بھی دکھائیں گی
نیو یارک(یس اُردو)بھارتی گلوکارہ سونیدھی چوہان امریکہ میں ایک کنسرٹ میں شاندار پرفارمنس کے دوران پاؤں پھسلنے کے باعث اچانک سٹیج پر گر پڑیں۔بھارتی میڈیا رپورٹس کے مطابق بھارت میں اپنی آواز کا جادو جگانے والی مایہ ناز گلوکارہ سونیدھی چوہان امریکہ میں ایک کنسرٹ کے دوران بری طرح سٹیج پر گر پڑیں، گلوکارہ سٹیج پر اپنی گلوکاری میں اتنی مدہوش تھیں کہ اچانک وہ اپنے پیچھے رکھے سپیکر کو نہ دیکھ پائیں جس سے ٹکرانے کے بعد اپنا توازن برقرار نہ رکھ سکیں اور سٹیج پر گرگئیں۔ سٹیج پر بری طرح گرنے کے باوجود گلوکارہ نے ڈانس کرنا شروع کردیا اور حاضرین کو یہ تاثر دینے کی کوشش کی کہ وہ گری نہیں بلکہ یہ ان کی پرفارمنس کا حصہ تھا۔دوسری جانب معلوم ہوا ہے کہ گلوکارہ اب اداکاری کے میدان میں بھی قدم رکھنے والی ہیں جہاں وہ بالی ووڈ نگری کی شارٹ فلم پلئینگ پرییا میں اداکاری کے جوہردکھائیں گی۔ سونیدھی چوہان کا اس حوالے سے کہنا تھا کہ گلوکاری کے ساتھ ساتھ اداکاری بھی کرنا چاہتی تھی لیکن انہیں یہ معلوم نہیں تھا کہ انہیں اداکاری میں بھی اتنا مزا آئے گا۔
