ماضی میں سیاستدانوں نے اپنے ادوار میں ملک و قوم کے بجائے اپنے خاندانوں کو خوشخال کرنے پر توجہ مرکوز رکھی، نعمت اللہ
پیرس (نمائندہ خصوصی، مانیٹرنگ رپورٹ) تحریک انصاف فرانس کے وائس چیئرمین شیخ نعمت اللہ نے کہا ہے کہ (ن) لیگ کی قیادت نے اپنے ادوار میں ملک اور قو م کی بجائے اپنے خاندان کوخوشحال کرنے پر توجہ مرکوز رکھی ،
کرپشن کرنے اور ملک کو لوٹنے پر شریف خاندان اللہ کی پکڑ میں ہے اور اس کے بعد ہر لٹیرے کی باری ہے ، اب پاکستان حقیقی معنوں میں قائد اعظم کا پاکستان بنے گا ۔
ان خیالات کا اظہارا نہوں نے یس اردو نیوز سے بات چیت کرتے ہوئے کیا انہوں کہا کہ نہ صرف (ن) لیگ اور پیپلز پارٹی کی قیادت بلکہ ان کے حواریوں نے بھی ملکی خزانے کو مفت کا مال سمجھ کر لوٹا ۔ جے آئی ٹی کی رپورٹ میں شریف خاندان کے حوالے سے ہوشربا انکشاف سے پوری قوم دھنگ رہ گئی ہے ۔
انہوں نے کہا کہ ایک طرف عوام کو دو وقت کی روٹی میسر نہیں اور دوسری جانب لوٹ مار کے اربوں روپے میں سے جانوروں کیلئے بیرون ممالک سے خوراک منگوائی جارہی ہے۔ انہوں نے کہا کہ کرپشن کرنے والوں کو ہر صورت بے لاگ اور بیباک احتساب کا سامنا کرنا پڑے گا ، نئے پاکستان میں کرپٹ سیاستدانوں کی کوئی جگہ نہیں ۔
