روات(اسدحیدری) دبنگ چوکی انچارج روات ذوالفقار علی کی بروقت کاروائی۔ ڈکیت گروہ کا سرغنہ گرفتار ،نقدی سامان برآمد، گذشتہ رات روات بازار میڈیکل سٹور میں تین ڈاکو گن پر میڈیکل سٹور سے ذکیتی کرکے نکلے اطلاع پر پولیس چوکی روات تھانہ سہالہ کے انچارج اسٹنٹ سب انسپکٹر ذوالفقار علی نے فوری طور پر ملزمان کا تعاقب کرتے ہوئے روات نیوی روڈ سے موٹرسائیکل سوار بابر ساکن جھنڈا چیچی ڈاکو کو موقع سے گرفتار کرلیا۔ عوامی حلقوں معززین علاقہ کا پولیس چوکی روات تھانہ سہالہ کے عملہ کو خراج تحسین۔ تفصیلات کے مطابق گذشتہ رات روات بازار میں قائم افضال میڈیکل سٹور پر رات دس بجے کے قریب تین نامعلوم ڈاکو گن پوائنٹ پر عملہ کو یرغمال بناکر 65ہزار نقدی لوٹ کر نکلے تو عملے نے شور مچایا اطلاع پر پولیس چوکی روات تھانہ سہالہ کے انچارج اے ایس آئی ذوالفقار علی نے اپنے عملہ کے ہمراہ فوری تعاقب کرتے ہوئے نیوی رؤڈ روات سے ایک موٹر سائیکل سوار ڈاکو کو گرفتار کرلیا اور نقدی برآمد کرکے مقدمہ درج کرلیا جبکہ دو ملزمان فرار ہوگئے ان کی گرفتاری کے لیے چھاپہ مار ٹیم تشکیل کے بعد تلاش جاری ہے۔ عوامی حلقوں اور معززین علاقہ نے فرض شناس اور دلیر پولیس عملہ چوکی روات کو بروقت کاروائی کرنے پر خراج تحسین پیش کیا
