انٹرا پارٹی الیکشن نہ کرانے کی پاداش میں الیکشن کمیشن نے 4 صوبائی حلقوں میں الیکشن لڑنے پر پابندی لگا دی
اسلام آباد: پی ٹی آئی کو انٹرا پارٹی الیکشن میں تاخیر مہنگی پڑگئی ، الیکشن کمیشن نے دو ماہ کیلئے ضمنی الیکشن لڑنے پر پابندی لگا دی ۔ کپتان کی پارٹی پی پی
23 چکوال سمیت 4 صوبائی حلقوں میں ضمنی انتخاب نہیں لڑ سکے گی ۔ الیکشن کمیشن نے چار ضمنی انتخابات سے باہر کر دیا ۔ پی پی 23 چکوال میں کپتان کا کھلاڑی بلے کے بغیر میچ کھیلے گا ۔ الیکشن کمیشن ذرائع کے مطابق پی ٹی آئی کو اپریل اور مئی میں ہونے والے ضمنی انتخابات میں حصہ لینے کی اجازت نہیں ہوگی ۔ پی پی 23 چکوال میں 18 اپریل کو ضمنی الیکشن کیلئے عمران خان نے اتوار کو جلسہ کیا تھا مگر ان کے امیدوار کو پارٹی کا انتخابی نشان الاٹ نہیں کیا گیا ۔ سندھ اسمبلی کے حلقے پی ایس 81 سانگھڑ میں 20 اپریل کو ، خیبرپختونخوا میں پی کے 54 مانسہرہ اور پی کے 82 کوہستان میں 10 مئی کو ضمنی انتخابات ہوں گے ۔ وہاں بھی کپتان کے کھلاڑی بلے کے بغیر میدان میں اتریں گے۔
