چوہدری برادران سب سے زیادہ ذہین اور زیرک سیاستدان ہیں، وہ اس نظام کے اہم پلرز ہیں، چوہدری پرویز الہی کو عوام وزیراعلیٰ پنجاب دیکھنا چاہتی ہے، راجہ مظہر ذمہ واریہ
پیرس (یس اردو ڈاٹ کام رپورٹ) مسلم لیگ ق کے مرکزی راہنما اور ڈائریکٹر ہمالیہ ریسٹورنٹ راجہ مظہر ذمہ واریہ نے کہا ہے کہ چودھری برادران کی سیاست اصولوں پر مبنی ہے ملکی سیاست چوہدری برادران کے بغیر نا مکمل ہے
پاکستان کی سیاست چوہدری برادران کے بغیر نامکمل ہے، ان خیالات کا اظہار انہوں نے اپنے ایک بیان میں کیا، انہوں نے کہا انشااللہ چوہدری پرویز الہی وزیراعلیٰ پنجاب بننے میں کامیاب ہوجائیں گے۔ چوہدری برادران حکومت کے اہم پلرز ہیں جن پر حکومت کی پوری عمارت کھڑی ہے جبکہ پی ٹی آئی اپنے ٹٹو ٹیروں سے اہم ترین قومی اداروں کو تباہ کروا رہی ہے۔
ہم ان کی کامیابی کے لیے دعا گو ہیں، چوہدری برادران نے عوامی مسائل حل کرنے کے لیے ہر فورم پر آواز اٹھائی ہے،ق لیگ کا دورآج بھی سنہرے ترین دور کے طور پر یاد رکھا جاتا ہے۔ چوہدری برادران کی کامیابی ہماری کامیابی ہے،
انہوں نے مزید کہا کہ مسلم لیگ ق نے اپنے سابقہ دورمیں تاریخ ساز کام کیے جنہیں آج بھی لوگ یاد کرتے ہیں، خصوصاً ضلع گجرات میں یونیورسٹی کو صدیوں یاد رکھا جائے گا، اور یہاں سے پڑھ لکھ کر نوجوان اعلیٰ اداروں میں اپنی خدمات سرانجام دے کر چوہدری برادران کے اس کارنامے کو فخر سے یاد کرتے ہیں، ہمیں اپنی لیگی قیادت پر فخر ہے جنہوں نے پاکستان کی ترقی کے لیے تاریخ ساز فیصلے کیے جن کے ثمرات سے آج بھی عوام مستفید ہو رہی ہے
چوہدری پرویزالٰہی وزیراعلیٰ پنجاب کے طور پر بہترین ہیں ان کی قیادت میں پنجاب میں ریکارڈ ترقیاتی کام ہوئے ہیں ۔ خصوصا ضلع گجرات کی تعمیر و ترقی مشن رہی ہے ۔ انہوں نے کہا کہ چوہدری شجاعت حسین چوہدری پرویز الٰہی چوہدری وجاہت حسین کی بہترین حکمت عملی کی بدولت آج مسلم لیگ ق کا گراف بڑھ رہا ہے۔ چوہدری مونس الٰہی چوہدری سالک حسین چوہدری حسین الٰہی نئی نسل کے نوجوان لیڈر ہیں ۔ جو حقیقی معنوں میں قابل اور ملک و قوم کیلئے کچھ کر گزرنے کا جذبہ رکھتے ہیں
