فرانس (رانا عمران عارف) تحریک انصاف فرانس کے سینئر ممبران و کارکنان رانا عمران عارف، راجہ محمد عجب، میاں ذولفقار احمد، چودھری شوکت حیات رانجھا، افضال رانجھا، چودھری منور جٹ، چودھری ستار، سہیل بھدر، طارق ندیم آرائیں، سلیم جپہ، مرزا آصف جرال، شیخ نعمت اللہ، ، سجاد خان، مظہر گوندل، سید ظریف شاہ، حاجی عامر شکیل،اشفاق چودھری، ملک سعید اعوان، چودھری اعجاز جٹ،سید احمد علی شاہ، راجہ طاہر سدوال، اویس کامران، آصف جاوید، عاکف غنی، عاطف مجاہد، فضل مغل، صائمہ آصفہ ہاشمی و دیگر نے تحریک انصاف فرانس کی الیکٹڈ باڈی کی جانب سے گزشتہ دن ہونے والی پریس کانفرنس کو سخت تنقید کا نشانہ بناتے ھوئے کہا ہے کہ نجانے الیکٹڈ باڈی کن خفیہ ہاتھوں میں کٹھ پتلی بنی ہوئی ہے کہ تحریک انصاف کو تباہی کے دہانے پر لا کھڑا کیا ہے۔
انہوں نے الیکٹڈ بادی کو ہدف تنقید بناتے ھوئے کہا کہ یہ انتہائی نا اہل،ناکارہ اور نکمے افراد ہیں جن کا کام ہر وقت تحریک انصاف کو نقصان پہنچانا ہے اور پچھلے ایک سال سے انہوں نے سوائے سازشوں کے اور کوئی کام نہیں کیا اور اب جب ان کی مدت اقتدار ختم ہونے میں صرف چند دن رہ گئے ہیں تو یہ متنازعہ قسم کے بیانات دے کر عمران خان کے ویزن کو یورپ اور فرانس میں خراب کرنا چہ رہے ہیں۔
لیکن وہ ہر گز ان لوگوں کو اپنے مذموم مقاصد میں کامیاب نہیں ہونے دیں گے ، انہوں نے مزید کہا کہ خود تو یہ لوگ کچھ کام کرتے نہیں لیکن یورپ بھر میں سازشیں کر کے تحریک انصاف کی تنظیم اور ادارہ کو خراب کرنے کی کوشش کر رہے ہیں،انہوں نے تحریک انصاف کی مرکزی قیادت کو اپنی بھرپور حمایت کا یقین دلایا اور کہا کہ فرانس کی موجودہ الیکٹڈ باڈی اپنی افادیت کھو چکی ہے اور اب یہ صرف چند افراد پر مشتمل سازشی ٹولہ ہے جن کے ساتھ کوئی بھی کارکن چلنے کو تیار نہیں۔
