اسلام آباد (ویب ڈیسک) سابق وزیراعظم شاہد خاقان عباسی نے کہا ہے کہ (ن ) لیگ کی قیادت شہباز شریف کریں گے کیونکہ وہ پارٹی کے صدر ہیں ،کرونا وائرس کی صورت حال تشویشناک ہے حکومتی اقدامات غیر تسلی بخش ہیں ۔جمعہ کو پاکستان مسلم لیگ (ن )کی پارلیمانی پارٹی کا اجلاس ہوا ،
جس میں ملکی سیاسی صورتحال ، کرونا وائرس کے پھیلاؤ کا جائزہ لیا گیا (ن )لیگ نے حکومتی اقدامات کو غیر تسلی بخش قرار دے دیا اور اس بات کا فیصلہ کیا گیا کہ کرونا کے مسئلے کو ایوان میں بھر پور انداز میں اٹھایا جائے گا ،اجلاس میں میر شکیل الرحمن کی گرفتاری کی مذمت کی گئی۔اجلاس کے بعد میڈیا سے گفتگو کرتے ہوئے شاہد خاقان عباسی نے کہا کہ کرونا وائرس کا مسئلہ قومی مسئلہ ہے اس سے نمٹنے کے لیے اقدامات اٹھانے کی ضرورت ہے ،انہوں نے کہا کہ میر شکیل الرحمان کی گرفتاری قابل مذمت ہے اسے پارلیمنٹ میں اٹھایا جائے گا۔اس موقع پر محسن شاہنواز رانجھا نے کہا کہ حکومت کرونا کے خلاف اقدامات نہیں کر پائی ،انہوں نے کہا کہ پارٹی قیادت شہباز شریف ہی کریں گے۔مسلم لیگ ن کی پارلیمانی پارٹی کے اجلاس میں عوامی ایشوز کو پارلیمنٹ کے اندر اور باہر اٹھانے کا فیصلہ کیا گیا۔ سینئر تجزیہ نگار ارشاد عارف کا کہنا ہے کہ اپوزیشن کی سیاست حکومت گرانے کی نہیں۔اگر بجلی سستی ہوتی ہے تو اس سے عام صارف کو بھی فائدہ ہو گا۔انہوں نے مزید کہا کہ جب ہم ٹیکس دینے کے لیے تیار نہیں ہیں تو پھر حکومت اپنے اخراجات کہاں سے پورے کرے گی۔انہوں نے کہا کہ میں نے بارہا کہا ہے کہ میڈیا میجمنٹ میں شریف خاندان کا کوئی ثانی نہیں۔ وہ خود خبر چلواتے تھے ہیں پھر اس پر تجزیے ہوتے ہیں،مریم نواز بھی اس لیے خاموش ہیں کیونکہ وہ باہر جانا چاہتی ہیں۔ارشاد عارف نے دعویٰ کیا کہ مسلم لیگ ن کے اندر نئی قیادت کے لیے ٹسل چل رہی ہے۔کہا جا رہا ہے کہ ن لیگ کی قیادت خواجہ آصف یا پھر شاہد خاقان عباسی کریں گے۔جب کہ مسلم لیگ (ن) کے راہنما اور سابق وزیراعظم شاہد خاقان عباسی نے کہا ہے کہ خواجہ آصف سے کوئی ناراضگی نہیں، ان سے اختلاف رائے ماضی میں بھی رہا اور رہتا ہے. پاکستان مسلم لیگ ن کے دو سینئر رہنماؤں خواجہ آصف اور شاہد خاقان عباسی کے درمیان اختلافات کی خبریں کافی دنوں سے زیر گردش ہیں۔
مریم یا شہباز !! پاکستان مسلم لیگ (ن) کی قیادت کون کرے گا؟ شاہد خاقان عباسی کا جواب آگیا
