جرمنی (انجم بلوچستانی) چیف کوآرڈینیٹر پاکستان عوامی تحریک یورپ، میڈیا کوآرڈینیٹر تحریک منہاج القرآن انٹرنیشنل برائے یورپ، چیرمین ایشین جرمن رفاہی سوسائٹی ،چیف ایگزیکٹئو ایشین پیپلز نیوز ایجنسی، نامورایشین یورپی صحافی و شاعر محمد شکیل چغتائی نے گزشتہ سال دورہء پاکستان کے دوران بانی و سربراہ تحریک منہاج القرآن و پاکستان عوامی تحریک، شیخ الاسلام، ڈاکٹر محمد طاہر القادری سے ایک طویل ملاقات کی۔جس میں انہوں نے پاکستان میں عوامی انقلاب،دھرنے کی سیاست و انقلابی مراحل میں قائد انقلاب کے جراء ت مندانہ،عاقلانہ و مدبرانہ کردار کی روشنی میں پاکستان سے لیکر یورپ، امریکہ، افریقہ، کینیڈا اور آسٹریلیا تک پاکستان عوامی تحریک کے قیام،اسے منظم کرنے ،دنیا بھر میں PAT کے مربوط نیٹ ورک بنانے اورمیڈیا کی بے پناہ طاقت کے ذریعہ PATکے جملہ اغراض و مقاصد، انقلابی منشور اورپاکستان کے نظام حکومت میںمنصفانہ عوام دوست پالیسیوں کے اجراء کی بھرپور نشرو اشاعت کے بارے میں ایک گھنٹہ تک بات چیت کی۔
اس موقعہ پر شکیل چغتائی نے قائد انقلاب کا شکریہ ادا کرتے ہوئے کہا کہ”آج کی ملاقات کے بعد میںعوامی انقلاب کی راہ میں ایک قدم اور آگے بڑھ گیا ہوں۔قائد انقلاب نے دھرنے کے مجوزہ پروگرام کی گونا گوں مصروفیت،اہم ترین ملاقاتوں اور عدیم الفرصتی کے باوجود جرمنی سے تشریف لانے والے کارکن کو اتنی طویل ملاقات کا موقعہ دے کرمیری جو ہمت افزائی کی ہے ،اس کے لئے میں انکا انتہائی مشکور و ممنون ہوں۔ میں شروع سے اس حق میں رہا ہوں کہ ہمیں یورپ اور دینا کے دیگر ممالک میںپاکستان عوامی تحریک کے قیام اورا س کی مثبت نشو نما کے ذریعہ پاکستان میں مقیم تحریکی ساتھیوں اور بیرونی ممالک میںتحریک منہاج القرآن کے کارکنوں کے شانہ بشانہ عوامی انقلاب کی راہ ہموار کرنی ہے۔جس کے لئے یورپ کے مختلف ممالک میں پاکستان عوامی تحریک کی سرگرمیوں کی مکمل بحالی اورتنظیم نو کی اشد ضرورت ہے۔میں نے یہ سفر دھرنے میں شرکت کرنے کے ساتھ ساتھ یورپ میںپاکستان عوامی تحریک کا علم بلند کرنے کے لئے ہی کیا ہے۔”
ڈاکٹر محمد طاہر القادری نے شکیل چغتائی کی تحریکی خدمات،PATکی یورپ میں بحالی کے لئے انکی ثابت قدمی اور میڈیا میں انکی سرگرمیوں کو سراہتے ہوئے کہا کہ”میں آپ کے خیالات اورجذبات کی قدر کرتا ہوں۔آپ نے طبیعت کی خرابی کے باوجود یہ سفر کیا جو تحریک سے آپکی محبت کا ثبوت ہے۔میں نے آپ کو پہلے بھیPATکی رکنیت سازی کے لئے کہا تھا۔PATیورپ کے سلسلے میں منہاج یورپین کونسل کو بھی کہاگیا ہے۔میںایک بار پھر آپ کو یورپ اور دیگر ممالک میں PATکی رکنیت سازی کی اجازت دیتا ہوں۔”
شکیل چغتائی نے MECاور ڈاکٹر رحیق احمد عباسی کے دورہء برلن کے دوران ان سے ہونے والی گفتگو کی تفصیل بتاتے ہوئے کہا کہ” میں نے انہیں غیر مشروط تعاون کی پیشکش کی ہے۔میں نے انہیں یقین دلایا ہے کہ میں منہاج یورپین کونسل میں مشیر برائےPATکا عہدہ قبول کئے بغیر اپنی جملہ صلاحیتیں MQIاور PATکے فروغ کے لئے صرف کروں گا۔میرے لئے قائد انقلاب کی جانب سے MQI اور PAT یورپ کے سلسلے میں سونپی گئی دو اہم ذمہ داریوں کو نباہنا افضل ترین کام ہے۔مجھے کسی اور عہدے کی حاجت نہیں۔”
قائد انقلاب نے شکیل چغتائی کی درخواست کے باوجود انہیں دھرنے میں شرکت کے بجائے اپنے شیڈول کے مطابق واپس جرمنی جا کرُ یورپ اور دیگر ممالک میںPATکو پروان چڑھانے کی تلقین کی۔انہوں نے دھرنے کی مصروفیات کے بعد PATیورپ کے بارے میں اہم اقدامات کا وعدہ فرمایا اور اپنی دعائوں کے سائے میں رخصت کیا۔انہوں نے شکیل چغتائی کی گورنر سندھ ڈاکٹر عشرت العباد کے ساتھ ہونے والی ایک گھنٹے کی طویل ملاقات کی تفصیل سن کر اطمینان اور خوشی کا اظہار کیا۔ یاد رہے کہ یہ ملاقات بین الاقوامی اردو مرکز برلن و شکاگو کی جانب سے سفارتخانہء پاکستان میں مجوزہ دو روزہ علامہ اقبال کانفرنس کے بارے میں ہوئی،جس کے دوران شکیل چغتائی نے ڈاکٹر طاہر القادری کے طیارہ کا رخ موڑنے پر پیدا ہونے والی صورتحال کو سلجھانے کے لئے گورنر سندھ اور گورنر پنجاب کردار کو سراہا۔ اس طرح اس بات چیت میں پاکستان عوامی تحریک کے بارے میں بھی تبادلہء خیال ہوا۔
شکیل چغتائی دل کے دورے کے بعد پہلی مرتبہ پاکستان پہنچے تھے۔جس پر قائد انقلاب ڈاکٹر محمد طاہر القادری نے شکیل چغتائی کو اپنے پہلو میں کھڑا کرکے ان پر دم کیا اور پھرپانی پینے کے بعد خصوصی طور پربچا ہوا پانی انہیں پینے کے لئے مرحمت فرمایا۔اسکے بعد انہوں نے شکیل چغتائی کے لئے مشترکہ دعا کروائی۔اس موقعہ پر پاکستان عوامی تحریک کے گنڈا پور،سفیر تحریک منہاج القرآن حافظ نذیر احمد،نائب ڈائریکٹر شعبہ امور خارجہ اور دوسرے تحریکی اکابرین بھی موجود تھی۔جنہوں نے شکیل چغتائی کو اس کامیاب ملاقات پر مبارکباد پیش کی۔
