لاہور(ویب ڈیسک)نیب نےسعدرفیق اورسلمان رفیق کانام ای سی ایل میں ڈالنےکےلیےوزرات داخلہ کوخط لکھ دیا ہے۔ تفصیلات کے مطابق سعدرفیق اورسلمان رفیق پیراگون ہاؤسنگ اسکینڈل میں نیب کےپاس شامل تفتیش ہیںدونوں بھائیوں کےنام ای سی ایل میں ڈالنےکاحتمی فیصلہ وفاقی کابینہ کرےگی۔دونوں کانام ای سی ایل میں شامل کرنےکامعاملہ کابینہ کےاگلےاجلاس میں زیرغورآئےگا۔
واضح رہے کہ نیب کی درخواست پرسعدرفیق اور سلمان رفیق کوپہلے ہی بلیک لسٹ کیاجاچکاہے۔ خیال رہے کہ اس سے قبل وزیراعظم کے مشیر برائے میڈیا امور افتخار درانی نے (ن) لیگ کے خواجہ برادران کا نام ایگزٹ کنٹرول لسٹ (ای سی ایل) پر ڈالے جانے کی خبروں کو فیک نیوز قرار دیدیا۔پریس کانفرنس کے دور ان ایک سوال کے جواب میں وزیر اعظم عمران خان کے مشیر برائے میڈیا افتخار درانی نے کہا کہ پاکستان تحریک انصاف کی حکومت آزادی صحافت پر یقین رکھتی ہے اور اپنے آپ کو جوابدہ سمجھتی ہے۔انہوں نے کہا کہ ہمارے اوپر کوئی پریشر نہیں تھا، ہم نے اپنی 100 دن کی کارکردگی کے حوالے سے ویب سائٹ خود لانچ کی ہے۔انہوں نے کہا کہ فیک نیوز کے حوالے سے کیسز پیمرا کو ریفر کر دیئے ہیں جس میں ایک خبر یہ بھی تھی کہ کچھ شخصیات کے نام ای سی ایل میں ڈال دیئے گئے ہیں حالانکہ ان کے نام ای سی ایل میں نام نہیں تھے۔افتخار درانی نے کہا کہ اگر کوئی صحافی ذاتی حیثیت سے فیک نیوز چلاتا ہے تو ہم اس کیلئے صحافتی تنظیموں سے رابطے کر رہے ہیں تاکہ غلط خبر پر اس کے خلاف ایکشن لیا جا سکے۔یاد رہے کہ
قومی احتساب بیورو (نیب) نے وزارت داخلہ سے خواجہ سعد رفیق اور سلمان رفیق کے نام بلیک لسٹ کرنے کی درخواست کی تھی جس کے بعد دونوں بھائیوں خواجہ سعد رفیق اور خواجہ سلمان رفیق کے نام بلیک لسٹ میں شامل کیے گئے تاہم میڈیا کے بعض حلقوں میں یہ خبر نشر کی گئی تھی کہ ان کے نام ای سی ایل میں ڈال دیے گئے ہیں۔
انتظار ختم: خواجہ سعد رفیق اور سلمان رفیق کو ان کے انجام تک پہنچانے کے لیے بڑی کارروائی ڈال دی گئی
