لاہور ; معروف ماڈل صدف کنول نے یہ انکشاف کر کے ہلچل مچا دی ہے کہ وہ سنگل نہیں ہیں، صدف کنول نے یہ انکشاف گزشتہ روز انسٹا گرام پر ” آسک می اے کواسچن ” کے دوران کیا جب ایک صارف نے ان سے پوچھا کہ کیا وہ سنگل ہیں تو انہوں نے تو
جواب ہی نہیں دیا، جس پر انہیں اس مناسبت سے کیہ سوالات پوچھے گئے لیکن صدف نے اس کی حقیقت بتانے سے انکار کر دیا، بعض لوگوں کا خیال تھا کہ اگر انہوں نے کسی سے شادی کر لی ہے تو شیئر ضرور کریں لیکن صدف کنول نے ہونٹوں کا تالا لگا لیا اور کچھ بھی بتانے سے گریز کیا، یاد رہے کہ صدف کنول کا شمار صف اول کی ماڈلز میں ہوتا ہے، جبکہ وہ فلم ” بالو ماہی ” میں کام بھی کر چکی ہیں۔دوسری جانب ایک خبر کے مطابق اگر آپ کو بھی اس سال عید الفطر پر پاکستانی سینما گھروں میں نمائش کے لیے پیش کی گئی فلمز پسند نہیں آئیں، تو آپ اکیلے نہیں ہیں۔ماڈل اور اداکارہ صدف کنول رواں سال عید پر ریلیز ہونے والی پاکستانی فلموں کے ہدایت کاروں پر سوشل میڈیا پر سخت تنقید کی ہے۔اپنے فیس بک اکاؤنٹ پر صدف نے ایک پوسٹ شیئر کی، جس میں انہوں نے لکھا کہ ’کیا وہی دو ہدایت کار ہمیں اچھی، انٹرٹیننگ فلمیں ہر سال ریلیز کرکے دیتے رہیں گے؟ باقی تمام لوگ کیا کررہے ہیں؟ واقعی میں، ان تین دنوں نہایت بدترین فلمیں سامنے آئیں‘۔خیال رہے کہ اس عید ماہرہ خان کی فلم ’سات دن محبت ان‘، سونیا حسین کی فلم ’آزادی‘،
دانش تیمور کی فلم ’وجود‘ اور میکال ذالفقار کی فلم ’نہ بینڈ نہ باراتی‘ ریلیز ہوئیں۔صدف کنول کی پوسٹ پر آزادی سے ڈیبیو کرنے والی سونیا حسین نے اپنے ردعمل کا اظہار کرتے ہوئے لکھا کہ ’ہمیں سمجھنا چاہیے کہ فلم سازی میں ہر دوسری فلم کامیڈی نہیں ہوسکتی، ہر طرح کی فلمیں پسند کرنے والے ناظرین کے لیے ایسی فلمیں ریلیز کی جاتی ہیں۔سونیا نے مزید کہا کہ ’باکس آفس پر سات دن محبت ان اور آزادی کے تمام ٹکٹس فروخت ہوچکے ہیں، اور یہ بڑی کامیابی ہے‘۔تاہم صدف کنول نے سونیا کو جواب دیتے ہوئے کہا کہ ’میں متفق ہوں کہ ہر دوسری فلم کامیڈی نہیں ہوسکتی، لیکن اگر بولی وڈ فلموں پر پابندی عائد نہیں کی جاتی تو پھر دیکھتے ان فلموں کے کتنے ٹکٹس فروخت ہوتے‘۔خیال رہے کہ گزشتہ سال ریلیز ہونے والی کامیڈی فلم ’نامعلوم افراد 2‘ میں صدف کنول نے ایک آئٹم سانگ پرفارم کیا تھا۔ اس فلم کی ہدایات نبیل قریشی نے دی تھی۔
