بھارتی ڈمپل گرل اور خوبصور ت اداکارہ دپیکا پڈوکون نے اپنے شوہر رنویرسنگھ کی سالگرہ پر سترنگا کیک کاٹا ۔دپیکاپڈوکون نے پچھلے دنوں اپنے شوہر رنویرسنگھ کی 34ویں سالگرہ منائی اور اس موقع پر خوبصورت رنگ برنگا کیک کاٹا ۔اس سلسلے میں دپیکاپڈوکون نے سماجی رابطے کی ویب سائٹ انسٹا گرام پر رنویرسنگھ کو سالگرہ کی مبارکباد دیتے ہوئے کیک کی تصویر شیئر کی اور لکھا کہ ’ کبھی کبھار آپ اپنا کیک کاٹنے کے ساتھ ساتھ کھاتے بھی ہیں۔‘دوسری جانب رنویرسنگھ نے بھی دپیکا کی ایک تصویر شیئر کی جس میں دپیکا کو کھُل کر ہنستے ہوئے دیکھا جا سکتا ہے، رنویر نے تصویر شیئر کرتے ہوئے لکھا کہ ’دپیکا کیک پر ہنس رہی ہیں۔‘دونوں کی جانب سے تصاویر شیئر کئے جانے کے بعد انسٹا گرام صارفین نے بھی رنویرسنگھ کو سالگرہ کی مبارکباد دی اور دپیکا کو رنویر کی سالگرہ پر سترنگا کیک کاٹنے پر تبصرہ کرتے ہوئے کہا کہ ’لگتا ہے آپ نے یہ کیک رنویر کے کپڑوں کے رنگوں سے متاثر ہو کر منتخب کیا ہے‘ ایک اور صارف نے لکھا کہ ’ رنگیلا کیک رنگیلے ہیرو کے لیے۔‘واضح رہے کہ دیپ ویر آج کل اپنی اگلی فلم ’ 83‘ کی شوٹنگ کے سلسلے میں لندن میں مقیم ہیں، فلم اگلے سال 10 اپریل کو ریلیز کی جائے گی۔ جبکہ دوسری جانب ایک خبر کے مطابق بالی ووڈ سپر اسٹار شاہ رخ خان کی اہلیہ گوری خان کا کہنا ہے کہ وہ ایک سپر اسٹار اداکار کی بیوی ہیں، اس کے باوجود انہیں ہمیشہ زندگی میں مثبت نتائج کا سامنا رہا ہے۔بھارتی خبر رساں ادارے کے مطابق بھارت کی معروف انٹیریئر ڈیزائنر گوری خان نے اپنی کتاب کی رونمائی تقریب کے دوران میڈیا سے گفتگو کرتے ہوئے کہا کہ شاہ رخ خان ایک بہترین باپ اور شوہر ہیں۔ انہوں نے کہا کہ ایک سپر اسٹارکی بیوی ہونے کے باوجود انہیں کبھی بھی زندگی میں منفی نتائج سے دوچار نہیں ہونا پڑا۔ ایک سوال کا جواب دیتے ہوئے گوری خان نے کہا کہ ’میں جانتی ہوں میں کس کی بیوی ہوں اور شاہ رخ خان کون ہیں۔ سپر اسٹار کی بیوی ہونے کے ناطے سے مجھے اکثر منفی نتائج کا سامنا بھی کرنا پڑجاتاہے لیکن میں ہمیشہ صرف مثبت باتوں کو ترجیح دیتی ہوں جبکہ منفی چیزوں کو اپنی زندگی سے نکال دیتی ہوں اور انہیں کسی اختلاف کی وجہ نہیں بننے دیتی۔‘گوری خان نے مزید کہا کہ شاہ رخ ہر طرح سے میرا بہت خیال رکھتے ہیں، مجھے کبھی بھی اس بات کا احساس نہیں ہوا کہ میں اتنے بڑے اداکار کی بیوی ہوں۔ شاہ رخ خان نے ’گوری خان ڈیزائنز‘ کو لانچ کرنے میں میرا بھرپور ساتھ دیا ہے، وہ میرے لیے بہت اہمیت رکھتے ہیں۔ ایک سپر اسٹار کی بیوی ہونا کیسا ہے؟میڈیا سے گفتگو کرتے ہوئے گوری خان نے مزید کہا کہ شاہ رخ خان نے اپنی فیملی (ہمارے لیے) کے لیے بہت کچھ کیا ہے، وہ ایک بہترین باپ اور شوہر ہیں۔ کنگ خان کی اہلیہ کا کہنا ہے کہ مجھے ایسالگتا ہے میں ایک نارمل خاتون کی طرح زندگی گزار رہی ہوں، اور جیسے باقی خواتین کام کرتی ہیں میں بھی ویسی ہی اپنا کام کرتی ہوں۔میں صرف میڈیا کا استعمال اُس وقت کرتی ہوں جب مجھے اپنا کام منظر عام پر لانا ہوتا ہے اور میں سمجھتی ہوں کہ میڈیا کا اس کے لیے ہونا بہت ضروری ہے۔
