بالی ووڈ سے گرما گرم خبر

ممبئی (ویب ڈیسک) بالی ووڈ کے دبنگ اداکار سلمان خان اور خوبرو اداکارہ کترینہ کیف کی آئندہ آنے والی فلم ’بھارت‘ کا ٹریلر جاری ہوتے ہی سوشل میڈیا پر فلم سے متعلقہ ڈائیلاگز اور پوسٹرز میمز (memes) کی نذر ہوگئے ہیں۔فلم بھارت کے ٹریلر سے لیا گیا کترینہ کا ڈائیلاگ جس میں وہ سلمان خان کو یہ کہتی نظر آرہی ہیں کہ ’اتنے بھاری گیان کی ضرورت نہیں ہے‘ پر لاکھوں میمز بن گئے ہیں۔ایک ٹوئٹر صارف نے فلم بھارت کے ٹریلر میں سے کترینہ کی تصویر لے کر شیئر کرتے ہوئے کہا کہ ’کترینہ اپنی اداکاری سے کہتی ہیں کہ اتنے بھاری گیان کی ضرورت نہیں ہے۔‘ایک ٹوئٹر صارف نے کترینہ کی اس تصویر اور ڈائیلاگ کے ساتھ لکھا کہ ’جب آپ 2 نمبر کے سوال کے لیے 2 صفحات کا جواب لکھیں تو استاد کہتا ہے اس میں اتنے بھاری گیان کی بالکل ضرورت نہیں ہے۔‘جہاں ٹوئٹر صارفین نے فلم کے ٹریلر پر میمز بنائے ہیں وہیں سٹی پولیس ناگپور نے بھی سلمان خان کے موجود مختلف روپ سے بنے پوسٹر کو شیئر کرتے ہوئے لکھا ہے کہ ’جب پورے شہر میں آپ کے لیے سی سی ٹی وی کیمرے لگے ہوں۔‘واضح رہے کہ چند روز قبل فلم بھارت کا 3منٹ پر مشتمل ٹریلر جاری کیا گیا تھا جس کے جاری ہو تے ہی ٹوئٹر صارفین کی جانب سے لاکھوں کی تعداد میں میمز بن گئے،فلم کے ٹریلر میں سلمان خان کی زندگی کے مختلف روپ دکھائے گئے ہیں،