لاس اینجلس (ویب ڈیسک) امریکی ماڈل اور اداکارہ 22 سالہ کیملا مورون نے کہا کہ جب انہیں اپنے سے 23 سال بڑے مرد لیونارڈو ڈی کیپریو سے تعلقات رکھنے میں کوئی اعتراض نہیں تو دوسرے لوگوں کو کیوں ہے؟ ارجنٹائنی نژاد امریکی ماڈل کیملا مورون نے اب تک 4 فلموں میں اداکاری کے جوہر دکھاے ہیں،
تاہم لوگ انہیں ماڈلنگ کی وجہ سے جانتے ہیں۔ انہوں نے اپنےماڈلنگ کیریئر سے قبل اداکاری شروع کی تھی لیکن ماڈلنگ ان کی شہرت کا باعث بنی۔ کیملا مورون خبروں کی زینت اس وقت بنیں جب انہوں نے خود سے 23 سال بڑے 45 سال اداکار لیونارڈو ڈی کیپریو سے تعلقات استوارکئے۔ کیملا کولیونارڈو ڈی کیپریو سے تعلقات رکھنے پر تنقید کا سامنا کرنا پڑا۔ کیملا مورون اور لیونارڈو ڈی کیپریو کو گزشتہ ایک سال کے دوران کئی بار ایک ساتھ دیکھا گیا۔ خود سے بڑی عمر کے شخص کے ساتھ رومانوی تعلقات استوار کرنے پر حد سے زیادہ تنقید ہونے کے بعد پہلی بار ماڈل نے خاموشی توڑتے ہوئے تنقید کرنے والوں کو کرارا جواب دیا۔ امریکی فیشن میگزین کے مطابق کیملا مورون نے امریکی اخبار سے بات کرتے ہوئے پہلی مرتبہ خود سے بڑی عمر کے اداکار کے ساتھ رومانس کرنے پر کھل کر بات کی اور تنقید کرنے والوں کو کرارا جواب دیتے ہوئے کہا کہ انہیں خود سے دگنی عمر کے مرد کے ساتھ تعلقات استوار کرنے میں کوئی مسئلہ نہیں۔ کیملا مورون کا کہنا تھا کہ تنقید کرنے والے افراد کو سمجھنا چاہیے کہ جب مجھے خود اس سے کوئی مسئلہ نہیں تو دوسروں کو کیوں ہو رہا ہے۔ کیملا نے حیرانی کا اظہار بھی کیا کہ لوگوں کو ان کی جانب سے لیونارڈو ڈی کیپریو سے تعلقات رکھنے پر اتنی حیرانی کیوں ہوتی ہے اور وہ خود بھی یہ جاننا چاہتی ہیں کہ ایسے لوگ ان کے تعلقات پر اتنے حیران کیوں ہیں؟ کیملا مورون کے مطابق باوجود اسکے کہ وہ ہولی وڈ انڈسٹری میں نئی ہیں لیکن وہ رفتہ رفتہ اپنا مقام بنا رہی ہیں اور انہیں فلموں سے زیادہ ماڈلنگ میں دلچسپی ہے۔
