لاہور (ویب ڈیسک ) سابق وزیر قانون رانا ثناء اللہ کی درخواست ضمانت پر سماعت کرنے والے جج کے تبادلے اور اس سلسلے میں واٹس ایپ پیغامات کی دھوم نے مسلم لیگ ن کو حکومت پر الزام تراشی کرنے کا موقع دیا لیکن ترجمان وزیراعلیٰ پنجاب شہباز گل نے ان الزامات کی تردید کر دی۔ مائیکروبلاگنگ ویب سائٹ ٹویٹر پر اپنے پیغام میں شہباز گل نے ججز کی تبدیلی کا آرڈر شئیر کیا اور کہا کہ آرڈر سے صاف ظاہر ہے کہ ججز کی تبدیلی کا نوٹیفکیشن 26 اگست کو جاری ہوا تھا۔لیگی قیادت کو دو دن بعد واویلا کرنا کیوں یاد آیا ؟آرڈر سے صاف ظاہر ہے کہ ججز کی تبدیلی کا نوٹیفکیشن 26آگست کو جاری ہوا,لیگی قیادت کو دو دن بعد واویلا کرنا کیوں یاد آیا ؟آج عدالت میں ہنگامہ کرپٹ لیگ کے روایتی منفی پراپیگنڈہ کے سوا کچھ نہیں ہے!آج عدالت میں ہنگامہ کرپٹ لیگ کے روایتی منفی پراپیگنڈہ کے سوا کچھ نہیں ہے! اس معاملے پر وزارت قانون کی جانب سے بھی وضاحت آئی جس میں کہا گیا کہ وزارت قانون کی جانب سے کسی بھی جج کو واٹس ایپ پر کوئی حکم نہیں بھیجا گیا۔یاد رہے کہ وفاقی وزارت قانون نے آج صبح لاہور کی احتساب اور خصوصی عدالتوں کے تین ججز کو واپس لاہور ہائی کورٹ بھیج دیا تھا۔عدالت میں رانا ثناء اللہ کے کیس کی سماعت کرنے والے جج نے کہا کہ مجھے واٹس ایپ کر دیا ہے کہ آپ کام نہیں کر سکتے۔ جس پر سوشل میڈیا پر واٹس ایپ پر انصاف نامنظور کا ٹرینڈ بن گیا ہے۔ ججز کی تبدیلی پر مسلم لیگ ن کے رہنما احسن اقبال نے بھی موجودہ حکومت کو تنقید کا نشانہ بنایا اور کہا کہ عدلیہ کی خود مختاری پر اس سے زیادہ کاری وار نہیں ہو سکتا۔ رانا ثناء اللہ کی درخواست ضمانت پر فیصلے سے کچھ دیر قبل جج کا وفاقی وزارت قانون کی جانب سے واٹس ایپ پر پیغام بھیج کر تبادلہ کر دیا گیا ۔ اس سے زیادہ اور اس بات کا ثبوت کیا ہو گا کہ رانا ثناءاللہ حکومتی انتقام کا نشانہ بنے ہیں۔
