لاہور(ویب ڈیسک) وفاقی وزیرریلوے شیخ رشید نے کہا ہے کہ چینی امداد پرچینیوں کی خواہش پرخاموش ہیں،چین پاکستان کوجوکچھ دے رہا تھا عمران خان کی خواہش پرچین نے ڈبل کردیا،چینی ریلیف کسی کوبتانا نہیں ، بے شک خاموشی چینیوں کی اپنی خواہش پر رکھی ہوئی ہے،دبئی سے بھی اچھی خبریں آئیں گی۔انہوں نے نجی ٹی وی
کوانٹرویودیتے ہوئے کہا کہعمران خان بہت محنت کرتے ہیں ،عمران خان اتنی محنت کرتے ہیں کہ ہم نے کسی کواتنی محنت کرتے نہیں دیکھا۔عوام کو بتانا چاہتا ہوں کہ عمران خان کا دورہ چین بڑا کامیاب تھا۔انہوں نے ایک سوال ’چین کے دورے پر خاموش ہیں؟‘ کے جواب میں کہا کہ بے شک خاموشی چینیوں کی اپنی خواہش پر رکھی ہوئی ہے۔ چین پاکستان کوجوکچھ دے رہا تھا عمران خان کی خواہش پرچین نے ڈبل کردیا۔دبئی سے بھی اچھی خبریں آئیں گی۔ وفاقی وزیرریلوے شیخ رشید نے کہا کہ میں نے آصف زرداری کے ساتھ بھی کھانا کھایا ہے، وہ بھنڈی کے علاوہ کچھ بھی نہیں کھاتے۔وہ تھوڑی سی بھنڈی کھاتے۔ ان سے سوال کیا گیا کہ دال چاول بھی کھاتے ہیں جس پر شیخ رشید نے کہا کہ دال چاول لکشمی سے بھی مل جاتے ہیں ، جیل میں بھی مل جاتے ہیں۔ تڑکا لگی ہوئی دال جیل میں ملتی ہے ۔اب توجیل بھی بڑی سٹینڈرڈ کی ہوگئی ہے۔ میں سوچتا ہوں کہ اے سی بھی لگا ہوا ہے۔ بیڈ بھی ہیں، واٹس ایپ بھی چل رہے ہیں، میڈیا مالکان سے بھی باتیں ہوتی ہیں۔انہوں نے کہا کہ شہبازشریف نے این آرا وکی بھرپور کوشش کی لیکن این آراو نہیں ملے گا۔یہ لوگ آپ میں دولت کیلئے لڑیں گے۔انہوں نے کہا کہ ن لیگ سے نیا گروپ نئے چہرے نکلیں گے۔ مریم شاید عدالتوں سے نکل آئے توسیاست کرلے۔ بلاول بھٹو بھی اگر اپنے والد کی گرفت سے نکل آیا توسیاست کرے گا۔ میں دونوں پارٹیوں کا مستقبل نہیں دیکھ رہا ہوں۔
