لاہور (یس ڈیسک) قائمقام سپیکر پنجاب اسمبلی سردار شیر علی خاں گورچانی نے کہا کہ وزیر علیٰ پنجاب محمد شہباز شریف نے پنجاب اسمبلی کی نئی بلڈنگ کی تعمیر کے لئے 10 کروڑ کے فنڈز جاری کر دیئے ہیں۔
امید ہے کہ انشا اللہ اگلے سال بجٹ اجلاس نئی بلڈنگ میں ہو گا۔ ان خیالات کا اظہار انہوں نے پنجاب اسمبلی کی مکی مدنی مسجد کا سنگ بنیاد رکھنے کے بعد میڈیا سے بات کرتے ہوئے کیا۔ انہوں نے کہا کہ پنجاب اسمبلی میں مسجد کی تعمیر کے لئے تمام ارکان کا جذبہ قابل تحسین ہے۔
تمام ممبران مسجد کی تعمیر کے لئے دل کھول کر حصہ لے رہے ہیں،مسجد کی تعمیر کے لئے2 کروڑ 50 لاکھ روپے درکار ہیں جبکہ ایک کروڑ پچیس لاکھ روپے جمع ہو چکے ہیں۔
