بلاول بھٹو کےہرفیصلے میں دل وجان سے ساتھ دینگے، آرمی ایکٹ میں ترمیم ایک فرد نہیں اداروں کیلئے ہے، چوہدری جہانگیر نواز
اوسلو؍اسلام آباد(ایس ایم حسنین) پاکستان پیپلز پارٹی ناروے کے صدر چوہدری جہانگیر نواز نے آرمی ایکٹ میں ترمیم کے جمہوری فیصلے کی حمایت کا اعلان کرتے ہوئے کہا کہ چیئرمین بلاول بھٹو زرداری جس راستے پر بھی چلیں گے وہ عوامی فلاح وبہبود کا راستہ ہوگا۔ ان کے ہرفیصلے میں دل وجان سے ساتھ دینگے اور دیتے رہینگے انشااللہ تمام جمہوریت جماعتیں بھی ایک طرف ہوں اور پاکستان پیپلز پارٹی کے چیئرمین بلاول بھٹو زرداری ایک طرف تو ان کا ساتھ دینگے۔
پاکستان پیپلزپارٹی کے چیئرمین بلاول بھٹو زرداری نے درست طورپر کہہ دیا تھا کہ ہم کسی فرد کے خلاف نہیں جمہوریت کے حق میں ہیں، جس طریقے سے آئین کو بار بار توڑا گیا انصاف تو ایک دن ہونا تھا، بینظیر بھٹو شہید ہوکر بھی زندہ ہیں۔
