لاہور (ویب ڈیسک) معروف اداکارہ ارمینہ خان کا کہنا ہے کہ وہ ماضی میں احساسِ کمتری اور بھوک کی کمی کا شکار رہی ہیں۔پاکستان شوبز انڈسٹری سے تعلق رکھنے والی معروف اداکارہ ارمینہ خان نے سماجی رابطے کی ویب سائٹ انسٹاگرام پر اپنی ماضی کی دو تصاویر شیئر کیں، اُن تصاویر میں ارمینہ خان
بہت ہی کمزور اور حال کی نسبت دُبلی پتلی نظر آرہی ہیں۔ارمینہ خان نے اپنی پوسٹ کو ایک طویل کیپشن دیتے ہوئے لکھا کہ ’میں کچھ دِنوں سے سوچ رہی تھی کہ یہ پوسٹ کروں یا نہیں اور بہت سوچنے کے بعد اب وہ وقت آگیا ہے کہ میں آپ سب سے اپنے ماضی کے سفر کی کچھ باتیں شیئر کروں۔‘اداکارہ نے لکھا کہ ’یہ میری زندگی کا وہ وقت تھا جب میں احساسِ کمتری کا شکار تھی، مجھے بھوک کم لگتی تھی اور میں نے انزائٹی جیسے مسائل کا بھی سامنا کیا۔‘اُنہوں نے لکھا کہ ’اِن تصاویر میں میرا وزن صرف 39 کلو تھا کیونکہ میں ٹھیک سے خوراک نہیں لیتی تھی اور میں بیمار بھی بہت رہتی تھی۔‘اُنہوں نےلکھا کہ ’میں یہ سب باتیں آپ سب سے اِس لیے شیئر نہیں کر رہی ہوں کہ میں مظلوم نہیں تھی بلکہ یہ باتیں آپ کو اِس لیے بتا رہی ہوں کیونکہ میں جیتنے والوں میں سے ہوں۔‘ارمینہ خان نے لکھا کہ ’گزشتہ سالوں میں میری سب سے بڑی کامیابی یہ ہی ہے کہ میں اِن مسائل سے لڑی اور جیتنے میں کامیاب ہوئی۔‘ اُنہوں نے لکھا کہ ’میں اب خوش ہوں اور صحت مند بھی ہوں کیونکہ میں اب وہ خوراک لیتی ہوں جو میری صحت کے لیے بہتر ہوتی ہے۔‘اداکارہ نے لکھا کہ ’میرا یہ پوسٹ شیئر کرنے کا واحد مقصد یہ تھا کہ میں آپ سب کو اِس بات سے آگاہ کر سکوں کہ آپ اپنے لیے خوبصورت ہو پھر چاہے آپ کا وزن زیادہ ہو یا کم ہو اِس سے آپ کو کوئی فرق نہیں پڑنا چاہیے۔‘اُنہوں نے لکھا کہ ’کسی بھی شخص کو اِس بات کی اجازت ہرگِز نہ دیں کہ وہ آپ پر تنقید کرے یا آپ کا مذاق اُڑائے، بس آپ کے لیے سب سےاہم چیز یہ ہے کہ آپ صحت مند ہوں۔‘اُنہوں نے مزید لکھا کہ ’میری دُعا اور پیار اُن تمام لوگوں کے ساتھ ہے جو اِن خطرناک مسائل سے لڑ رہے ہیں۔‘
