نئی دہلی: بھارتی فوج کے مظالم پر تنقید کرنے کے جرم میں معروف مسلمان سیاست دان اعظم خان پر بغاوت کا مقدمہ درج کرلیا گیا۔
An Indian coup case against a Muslim politician to take a curtain from Indian military abuses
بھارتی حکومت نے اپنے چہرے سے آزادی اظہار رائے کا نقاب اتار پھینکا۔ سماج وادی پارٹی کے رہنما اعظم خان نے گزشتہ روز عید ملن پارٹی کی تقریب میں اپنے حامیوں سے خطاب کرتے ہوئے بھارتی سیکیورٹی فورسز کے مظالم پر تنقید کرتے ہوئے کہا تھا کہ حکمران بیلٹ (ووٹ) کی بجائے بلٹ (گولی) کو فروغ دینا چاہتے ہیں۔ اعظم خان نے مقبوضہ کشمیر، پنجاب، اروناچل پردیش، آسام، بنگال اور جھاڑ کھنڈ میں بھارتی فوج کی جنسی زیادتیوں کی طرف اشارہ کرتے ہوئے کہا تھا کہ فوج کے مظالم سے تنگ آکر خواتین نے بھی ہتھیار اٹھا کر بغاوت کا راستہ اختیار کرلیا ہے، جو اتنے غم و غصے کا شکار ہیں کہ حکومت کو سخت پیغام دینے کے لیے فوجیوں کو ہلاک کرنے کے بعد ان کے نازک اعضا کاٹ کر پھینک دیتی ہیں، جس پر پورا ملک شرمندگی کا شکار ہے۔ اعظم خان نے کہا تھا کہ یہ تلخ حقیقت ہندوستان کی اصل زندگی کا پردہ فاش کرتی ہے۔
