لاہور (ویب ڈیسک) پی ٹی آئی رہنما عبدالعلیم خان نے کہا ہے کہ میں نے کسی کے کہنے پر تحریک انصاف میں شمولیت اختیار نہیں کی۔ایک بیان میں انہوں نے کہا کہ عمران خان صاحب خود میرے گھر آئے تھے۔ جنرل پاشا سے نہ کبھی ملاقات ہوئی نہ ان کا کوئی پیغام ملا۔ 10 سال
تک شریف برادران کا مقابلہ کیا۔عبدالعلیم خان نے کہا کہ نواز شریف کی صحت پر کوئی سیاست نہیں ہونی چاہیے۔ جب تک بزدار صاحب کو عمران خان کی حمایت حاصل ہے، ان کو ہماری بھی حمایت حاصل ہے۔ زرادی صاحب بیمار ہیں اور وہ بیرون ملک جانا چاہیں تو انھیں اجازت دیدینی چاہیے۔ یادرہے کہ پرویزالٰہی نے نجی ٹی وی چینل کو دیئے گئے انٹرویو میں اس ضمن میں بات کی تھی ۔ دوسری جانب ایک خبر کے مطابق پاکستان مسلم لیگ نون کی ترجمان مریم اورنگزیب نے عمران خان کی سابق اہلیہ جمائما اور ریحام خان کے اثاثوں پر سوال اٹھادیا۔انہوں نے کہا عمران خان نے بیوی بچوں کے اثاثے کیوں ڈکلیئر نہیں کیئے۔ مطالبہ کیا کہ عمران خان قوم سے خطاب میں جمائما ، ریحام خان اور بشریٰ بی بی کے ساتھ اپنے بچوں کے بھی اثاثے ظاہرکریں۔ مریم نے پوچھا آپ کتنا ٹیکس دیتے ہیں ؟ بچوں اور سابقہ بیویوں نے کتنا ٹیکس دیا ؟ کتنے اثاثے اور جائیدادیں ہیں ؟ ٹویٹ کر کے پبلک کریں،۔ترجمان نے کہا عمران صاحب چوری نہیں کی تو فارن فنڈنگ کیس میں خود پیش ہوں۔اپنے لئے تیسرا پاکستان اور دوسروں کے لئے نیا پاکستان ؟ ۔دوسروں کو چور چور کہنے والا خود چور ہے۔مریم اورنگزیب کا کہنا تھا آپ خود شیشے کے گھر میں بیٹھ کر دوسروں پر الزامات اور گالیوں کے پتھر پھینکتے رہے، 23 خفیہ بنک اکاونٹس کی تلاشی دیں، سیاسی مخالفین کی تین نسلوں کی تلاشی لینے والا اپنی تلاشی دینے سے بھاگ رہا ہے، اب چور چور کہنے سے کام نہیں چلے گا،اب یہ حساب ہوگا۔
