دنیاکی متعدد مساجدکسی نہ کسی خوبی یا اپنے انوکھے و منفرد فن تعمیر کے باعث بے حد پسند کی جاتی ہیں۔ ایسی ہی ایک مسجد چین میں بھی واقع ہے جس کی وجہ شہرت اس کی دیواروں پر تحریر کیا گیا ’قرآن مجید‘ہے۔
چینی میڈیا کے مطابق صوبہ شان ژی کے شہر زائن میں 700 سال پرانی مسجد واقع ہے جو چین کے شاہی خاندان ’منگ‘ نےاپنے دور میں تعمیر کروائی تھی۔ یہ مسجد آج تک اپنی اصل حالت میں موجود ہے۔
مسجد کی خاص بات اس کی دیواروں پرتحریر پورا ’ قرآن‘ ہے۔ نہایت خوبصورتی اور مہارت کے ساتھ یہ مسجد تعمیر کی گئی ہے جسے دیکھنے کے لیے دور دور سے بڑی تعداد میں لوگ آتے ہیں۔
یہ مسجد چینی فن تعمیر کا ایک شاہکار ہے اور کمال کی بات یہ ہے کہ اس پر تحریر قرآن مجید کا ایک ایک حروف ویسا ہی لکھا ہوا ہے جیسا 700 سال قبل تھا۔
شاہی خاندان ’منگ‘ کے بعد مسجد کی دیکھ بھال کی ذمے داری چین کے شاہی خاندان ’کنگ‘ نے سنبھالی۔ بعداز مسجد میں کی جانے والی تبدیلیاں ان ہی کے دور میں کی گئیں۔
