کولکتہ…….ورلڈ ٹی 20میں پاکستان کرکٹ ٹیم پہلا میچ آ ج کھیلے گی، بنگلادیش کے خلاف یہ میچ دوپہر ڈھائی بجے شروع ہوگا۔
وقت آگیا ہے شاہینوں کے لیے، بدلہ چُکانے کا،ایشیا کپ میں تو رہے بنگال کرکٹرزگھر کے ٹائیگرز،مگر اب میدان ہے نیوٹرل، گرین شرٹس کو بنگال کے جادو کا سحر توڑنا ہوگا،پہلے ہی میچ سے اپنے آپ کو ثابت کرنا ہوگا، گروپ کی دیگر ٹیموں پر دھاک بٹھانی ہوگی،سینئر کھلاڑیوں کو کھیلنا ہوگا، بولرز کو ہمیشہ کی طرح وکٹیں اُکھاڑنی ہوں گی۔دونوں ٹیمیں اس فارمیٹ میں 9 مرتبہ مدمقابل آئی ہیں،حالیہ شکستوں کے باوجود پاکستان کا پلہ بھاری ہے جس نے 7مرتبہ فتح سمیٹی ہے،بنگلادیش کو دونوں فتوحات ہوم گراؤنڈ پر ملیں ،پاکستان اور بنگلادیش کے درمیان یہ میچ کولکتہ میں پاکستانی وقت کے مطابق دوپہر ڈھائی بجے شروع ہوگا۔آج ہی ٹی 20ورلڈ کپ کا دوسرا میچ انگلینڈ اور ویسٹ انڈیز کے درمیان ممبئی میں 7بجے شام کھیلا جائے گا۔
