ورلڈ کپ میں ”کنگ صلاح ” مصری بادشاہ محمد صلاح کی یادگار سالگرہ
رپورٹ (اصغر علی مبارک سے) مصر کے اسٹار فٹبالر”کنگ صلاح ” مصری بادشاہ محمد صلاح 26 برس کے ہو گئے اور انہوں نے روس میں جاری ورلڈ کپ کے دوران اپنی ٹیم کے کھلاڑیوں کے ساتھ منفرد انداز میں سالگرہ منائی۔”کنگ صلاح ” مصری بادشاہ محمد صلاح کی سالگرہ 15جون کو تھی جس دن مصر کی ٹیم یوراگوئے کے مدمقابل تھی روس میں جاری 21ویں فٹبال ورلڈ کپ میں مصر کی ٹیم کو اپنے افتتاحی میچ میں انجری کا شکار ”کنگ صلاح ” مصری بادشاہ محمد صلاح کی خدمات حاصل نہیں تھیں اور انہیں ناکامی کا منہ دیکھنا پڑا تھا۔تاہم شکست کے دو دن بعد ٹیم نے شکست کو بھلا کر اپنی ٹیم کے سب سے بڑے اسٹار محمد صلاح کی 26ویں سالگرہ منائی اور انہیں مبارکباد دی جو 15جون 1992 کو پیدا ہوئے تھے۔ لیکن اگلے دن جب ٹیم روس کے شہر ایکاٹیرن برگ میں عہد کی نماز ادا کر کے ہوٹل واپس پہنچی تو کھلاڑی یہ دیکھ کر حیران رہ گئے کہ اسٹار کھلاڑی کی ساگرہ کے لیے چھوٹی تقریب کا اہتمام کیا گیا ہے۔انگلش پریمیئر میں لیورپول کی نمائندگی کرنے والے مصری سپراسٹار کی سالگرہ کے لیے خصوصی کیک بنوایا گیا جس پر مصر کے جھنڈے کے ساتھ ساتھ سنہرے رنگ کا گولڈن بوٹ بھی بنوایا گیا۔کیک پرگولڈن بوٹ بنانے کی وجہ یہ تھی کہ رواں سال ”کنگ صلاح ” مصری بادشاہ محمد صلاح نے انگلش پریمیئر لیگ میں گولڈن بوٹ کا ایوارڈ جیتا ہے۔مصر کی ٹیم کا ورلڈ کپ میں اگلا مقابلہ 19 جون کو میزبان روس سے ہو گا اور اسے ورلڈ کپ کے پری کوارٹر فائنل مرحلے میں جگہ بنانے کے لیے اپنے دونوں میچوں میں لازمی فتح درکار ہے۔
