لاہور(ویب ڈیسک)وزیراعلیٰ پنجاب عثمان بزدار نے کہا ہے کہ عمران خان کے دور میں پاکستان کھوئی ہوئی منزل دوبارہ حاصل کرے گا، وزیراعظم کے وژن کے مطابق عوام کی امیدوں پر پورا اتریں گے۔تفصیلات کے مطابق وزیراعلیٰ پنجاب سردار عثمان بزدار سے وزیراعلیٰ آفس میں مختلف وفود نے ملاقات کی، وزیراعلیٰ نے مسائل سنے اور ان کے حل کے احکامات جاری کیے۔حکومت عمران خان کی قیادت میں ملک کو بحرانوں سے نکالے گی۔وزیراعلیٰ پنجاب نے کہا کہ وزیراعظم کی قیادت میں معاشی استحکام کے لیے بڑھ رہے ہیں، وزیراعظم قومی مفادات کو مقدم رکھتے ہوئے دن رات کام کررہے ہیں، ملک کی ترقی اور نئے پاکستان کی تعمیر میں سب کو اپنا کردار ادا کرنا ہے۔عثمان بزدار نے کہا کہ خوشحال اور ترقی یافتہ ملک کے لیے تمام تر توانائیاں بروئے کار لانی ہوں گی، حکومت عمران خان کی قیادت میں ملک کو بحرانوں سے نکالے گی، پاکستان کے عوام کی ترقی و خوشحالی کا خواب پورا ہوگا۔۔انہوں نے کہا کہ وزیراعظم عمران خان عوام کو کبھی مایوس نہیں کریں گے، تحریک انصاف کی حکومت کا ایجنڈا صرف عوام کی ترقی و خوشحالی ہے، عوام پرانے پاکستان سے نکل کر نئے پاکستان میں آنے پر خوش ہیں۔سردارعثمان بزدار کا کہنا تھا کہ کپتان کی قیادت میں پاکستان اپنی کھوئی منزل حاصل کرے گا۔ جبکہ دوسری جانب ایک خبر کے مطابق تجزیہ کار ہارون الرشید نے کہاہے تحریک انصاف والے نعرہ باز لوگ ہیں ، اس لئے غلطیوں کا ادرا ک نہیں کرتے ، عمران خان کواس بات کا ادراک نہیں کہ کرنا کیاہے ؟نجی نیوز چینل کے پروگرام ”تھنک ٹینک“ میں گفتگو کرتے ہوئے ہارون الرشید نے کہا کہ تحریک انصاف کی تیار نہیں تھی اور ان کو فہم کا ادراک بھی نہیں ہے ۔عمران خان کواس بات کا ادراک نہیں ہے کہ اس نے کیا کرنا ہے ؟ اور دوسرا ساتھیوں کا انتخاب بھی غلط کیاہواہے ۔ انہوں نے کہا کہ یہ استعداد کم رکھتے ہیں اور دعویٰ بڑا کرتے ہیں، اقتدار اوردولت مندی آدمی کو بدلتی نہیں ہے ، اس کوبے نقاب کرتی ہے ۔ انہوں نے کہا کہ تمام لوگ غلطیاں کرتے ہیں اور سنورتے وہ ہیں جو اپنی غلطیوں کا ادراک کرلیتے ہیں لیکن تحریک انصاف والے نعرہ باز لوگ ہیں اس لئے یہ غلطیوں کا ادراک نہیں کرتے ۔ انہوں نے کہاہے کہ لوگ تعداد میں کم تھے اور ان کو اکسایا گیا تھا لیکن حکومت کی طرف سے کارروائی نہیں کی گئی
عمران خان کے دور میں پاکستان میں وہ کام کیا جائے گا جوآج تک کوئی حکمران نہ کر سکا؟ قوم کو اب کیا خوشخبری سنا دی گئی ؟ جانیے
