اسلام آباد(ایس ایم حسنین) شام کے وزیرخارجہ اور سابق نائب وزیراعظم ولید المعلم انتقال کر گئے۔ شام کے سرکاری نشریاتی ادارے کی جانب سے جاری تفصیلات کے مطابق طویل عرصہ سے شام کے وزیرخارجہ تعینات رہنے والے 79 سالہ ولیدالمعلم دل کے عارضے میں مبتلا تھے تاہم ان کی موت کی وجہ ظاہر نہیں کی گئی ۔ان کی صحت گذشتہ کئی سالوں سے ابتر تھی۔ ولید المعلم کو پہلی مرتبہ 2006 میں وزیر خارجہ مقرر کیا گیا تھا اور وہ نائب وزیراعظم کے عہدے پر بھی فائز رہے تھے۔ ولید کی وزارت کے دوران شام کا جھکاؤ ایران اور روس کی جانب مزید بڑھ گیا جنہوں نے بشار الاسد کی حکومت کو مستحکم کرنے میں اہم کردار ادا کیے۔ ایران اور روس کی مدد سے بشار حکومت نے ملک کا بیشر حصہ جو شدت پسند گروپوں کے قیضے میں گیا تھا چھڑایا۔ ولید المعلم نے شام میں باغیوں کی حمایت کرنے پرامریکہ اور مغربی ممالک پر الزامات عائد کیے تھےاور مظاہرین کو دہشت گرد قرا دیا تھا۔
تقریبا ایک دہائی قبل شام اس وقت خانہ جنگی کا شکار ہوا جب اسد کی حکومت نے ان مظاہرین پر ظالمانہ کریک ڈاؤن شروع کیا جو بشار الاسد کی شخصی حکومت کے خاتمے کے لیے مظاہرہ کر رہے تھے۔
