ورجینیا (یس اردو نیوز ) ورجینیا میں امریکی نائب صدارتی امیدواروں کے درمیان مباحثہ ہوا ، قومی معاملات پر دونوں امیدواروں نے ایک دوسرے کی پالیسیوں کو شدید تنقید کا نشانہ بنایا ۔ امریکی ریاست ورجینیا میں ڈیموکریٹک کے نائب صدارتی امیدوار ٹم کین اور ریپبلکن مائیک پینس کے مابین واحد نائب صدارتی مباحثہ ہوا ۔ مائیک پنس کا کہنا تھا کہ اوباما دورمیں مشرق وسطیٰ کی صورت حال خراب ہوئی ، داعش بنی ، قرضہ زیادہ ہوا اور غربت بھی بڑھی ہے ۔ ان کا کہنا تھا کہ ٹرمپ ٹیکس کم اور غیر قانونی تارکین وطن کو نکالیں گے ۔ ادھر ڈیمو کریٹک رہنما ٹم کین کا کہنا تھا کہ اسامہ بن لادن ہلیری دور میں ہی مارا گیا اور ساتھ ہی ایران کا نیوکلیئر پروگرام کنٹرول کیا گیا ۔ چھوٹے کاروبار کو ترقی دیں گے ، ٹرمپ نے ٹیکس گوشوارے ظاہرنہ کر کے وعدہ خلافی کی ہے ۔ ٹم کین نے تارکین وطن کو بے دخل کرنے کے بیان کو احمقانہ قرار دے دیا ۔ ہیلری کلنٹن اور ڈونلڈ ٹرمپ کے درمیان دوسرا صدارتی مباحثہ اتوار کو سینٹ لوئس میں ہوگا ۔
