ویانا (محمد اکرم باجوہ) 23 مارچ یوم قرار داد مقاصد کے موقع پر پاکستان عوامی تحریک ّآسٹریا کے زیراہتام دارالحکومت ویانا کے مقامی بلدیہ ہال میں صدائے امن پاکستان کے عنوان سے شکر انگیز اور جذبہ حب الوطنی سے لبریز تقریب منعقد کی گئی جس میں سفارت خانہ پاکستان کے نمائندگان کے علاوہ، نمائندہ اسلامی تنظیمات کے سربراہان، ممبر پارلیمنٹ اور پاکستانی کمیونٹی سے کثیر تعداد میں خواتین و حضرت نے شرکت کی۔
پاکستان عوامی تحریک آسٹریا کے صدر الحاج خواجہ محمد نسیم کی زیرصدارت اس تقریب کے مہمانان خصوصی میں اسلامی نمائندہ تنظیمات کے صدر ڈاکٹر فواد سیناج، ممبر پارلیمنٹ آسٹریا عمر الراوی، ترجمان انسانی حقوق تنظیمات پروفیسر طرافہ بھگیاتی اور بدھ مت کے نمائندہ تھامس فیڈلر کے علاوہ منہاج یونیورسٹی کے سکالر علامہ مدثر حسین اعوان، کمیونٹی کے سینئر پاکستانی سیاسی و سماجی رہنما بابر فہیم خان اور مسز مریم انجیلکا بھی شامل تھے۔
نقیب محفل منہاج یوتھ لیگ کے صدر عمیر الطاف تھے جبکہ مائیک پر انکی معاونت الحاج خواجہ نسیم اور میوزک ٹیکنیکل انسٹرومنٹ پر عمران علی مغل جنرل سیکرٹری MQI نے کی حافظ نثار احمد کی تلاوت کلام پاک کے بعد سب حاضرین نے کھڑے ہو کر قومی رانہ پڑھا PAT آسٹریا کے جنرل سیکرٹری چوہدری ابو سفیان نے تقریب کے اغراض و مقاصد بیان کئے مہمان مقررین نے وطن عزیز پاکستان اور عالم اسلام کو درپیش دہشتگردی کے مسئلہ اور اسکے مؤثر حل کی اہمیت پر زور دیا۔ معروف نعت گو شاعر غلام مصطفیٰ نعیمی نے نعت شریف اور یوم پاکستان کی مناسبت سے ہدیہ عقیدت پیش کیا۔
ننھے مقرر عبدالرحمنٰ شاہ نے پرجوش تقریر کی اس موقع پر مختلف ملی نغموں پر منہاج یوتھ لیگ کے اراکین اور بچوں نے قومی رقص کرکے حاضرین سے داد وصول کی بچوں سے یوم پاکستان کی نسبت کوئز پروگرام اور انعامات بھی دیے گئے۔
مسز انجیکا خوانے جرمن زبان میں یوم قرارداد پاکستان اور علامہ اقبال کے کردار پر روشنی ڈالی معروف ادبی شخصیت حاجی اسلم ملتانی نے سرائیکی شاعرانہ کلام پڑھا علامہ مدثر اعوان اور ڈاکٹر فواد سیناج نے شیخ الاسلام ڈاکٹر طاہر القادری کی امن عالم اور بالخصوص پاکستان میں 25کتب پر مشتمل نصاب امن اور دہشتگردی کے خلاف فتویٰ کو زبردست خراج تحسین پیش کرتے ہوئے کہا کہ آئندہ نسلوں کو امن و آشتی کا ماحول دینے کیلئے ڈاکٹر قادری کے نصاب امن کو فوری طور پر سکولوں کے تعلیمی نصاب کا حصہ بنایا جائے۔
اختتام پر پاکستان اور عالم اسلام کیلئے دعائے خصوصی کے بعد شرکائے تقریب کو ریفرشمنٹ پیش کی گئی شیخ محبوب عالم سینئر نائب صدر PAT اور حاجی ملک نسیم ریفرشمنٹ کے منتظم تھے انتظامات تقریب میں منہاج القرآن آسٹریا، پاکستان عوامی تحریک آسٹریا، منہاج یوتھ لیگ اور منہاج نعت کونسل کے اراکین نے بھرپور تعاون کیا۔
