لاہور(نیوز ڈیسک) وسیم اکرم نے اپنی لیکڈ ویڈیو پر پریس کانفرنس کرنے کا اعلان کر دیا ہے۔ تفصیلات کے مطابق سوشل میڈیا کی مشہور و معروف ویب سائٹ فیس بک پر پیغام جاری کرتے ہوئے پاکستان کرکٹ کے سابق کپتان وسیم اکرم کا کہنا ہے کہ میں کل شام 8 بج کر 50 منٹ پر اپنی لیکڈ ویڈیو سے متعلق
پریس کانفرنس کرونگا، پریس کانفرنس میں ویڈیو سے متعلق تمام سوالات کا جواب دونگا، مداحواں سے درخواست ہے کہ وہ ویڈیو کو سوشل میڈیا پر شئیر نہ کریں۔یاد رہے کہ سابق کپتان اور لیجنڈری فاسٹ باﺅلر وسیم اکرم کی ویڈیو سوشل میڈیا پر وائرل ہوگئی تھی ۔ سابق کپتان قومی کرکٹ ٹیم وسیم اکرم کی ویڈیو وائرل ہوئی تھی جس میں وہ قومی ٹیم پر تنقید کرتے ہوئے دکھائی دے رہے تھے۔وسیم اکرم نے کہا تھا کہ اب تک ٹیم میں پرانے طریقے استعمال ہورہے ہیں، ٹیم میں باتیں بڑی بڑی ہوتی ہیں اور کارکردگی صفر ہے۔پی ایس ایل فرنچائزکراچی کنگز کے صدر نے دعویٰ کیا تھا کہ اب انہوں نے پرانے طریقوں سے نجات کا حل ڈھونڈ لیا ہے۔ ویڈیو میں موجود شخص وسیم اکرم سے اصرار کرتا رہا کہ کیا طریقہ ڈھونڈا ہے بتاتو دیں جس پر وسیم اکرم نے کہا تھا کہ سب کچھ ابھی ہی بتادوں؟ اب وسیم اکرم کی طرف سے یہ بیان آیا ہے کہ وہ اپنی اس ویڈیو کے حوالے سے ایک پریس کانفرنس کریں گے جس میں تمام سوالات کے جوابات دینگے۔واضح رہے کہ سرفراز احمد کو کپتانی سے ہٹائے جانے کے بعد سے قومی ٹیم کی کارکردگی میں واضح فرق آیا ہے، آسٹریلیا سے سیریز میں وائٹ واش ہوا، سری لنکا کے خلاف ٹی ٹونٹی سیریز میں ناکامی کا سامنا کرنا پڑا۔سری لنکا کے خلاف حالیہ ٹیسٹ سیریز میں قومی ٹیم نے سری لنکا کو شکست دے کر 0۔1 سے کامیابی حاصل کی ہے۔ قومی کرکٹ ٹیم کی کاکردگی مزید کچھ عرصے کے دوران مزید واضع ہو جائیگی۔
