امریکا میں شراب پی کر ڈرائیونگ کرنے والوں کی خیر نہیں، پولیس نے ایسے لوگوں کو سزا دینے کے لیے نیا طریقہ ڈھونڈ لیا۔
امریکی ریاست مینیسوٹا میں پولیس نے شراب پی کر ڈرائیونگ کرنے والوں کو خبردار کیا ہے کہ اگر وہ نشے کی حالت میں ڈرائیونگ سیٹ پر بیٹھے تو انھیں سزا کے طور پر جسٹن بیئبر کا ڈانس دکھایا جائے گا۔ جسٹن بیئبر کا یہ اشتہار سپر باؤل میچ کے دوران نشر ہوا تھاجس میں نوجوان گلوکار کوایک موبائل فون کمپنی کے اشتہار میں دلچسپ انداز میں ڈانس کرتے دکھایا گیا ہے ۔ جسٹن بیئبر کا یہ ڈانس سوشل میڈیا پر لوگوں کی توجہ کا مرکز بنا ہوا ہے۔
