ایرانی وزیر خارجہ جواد ظریف نے تہران حملوں پر وائٹ ہاؤس کے اظہار افسوس کو ناخوشگوار قرار دے دیا۔
ایرانی وزیر خارجہ جواد ظریف کا کہنا ہے کہ تہران حملوں پر امریکی صدر کی جانب سے اظہار افسوس ناخوشگوار ہے، ایرانی عوام امریکا کے اس دوستی کےدعوے کو مسترد کرتے ہیں۔ امریکی صدر نے تہران حملوں پر اظہار افسوس کرتے ہوئے کہاتھا کہ دہشت گردی اسپانسر کرنے والی ریاستوں کو دہشت گردی کا شکار بننے کے خطرے کا سامنا رہتا ہے۔
