دبئی: قومی ٹیم کے آل راﺅنڈر فہیم اشرف کی موٹرسائیکل چور لے گئے ہیں، فہیم اشرف کے والد رانا اشرف نے بتایا کہ میرے بیٹے فہیم اشرف کی موٹرسائیکل ہماری مارکیٹ المجید شاپنگ سنٹر میں کھڑی تھی کہچور لے گئے ، پولیس کو درخواست دیدی ہے لیکن مقدمہ درج نہیں کیا گیا۔ یاد رہے کہ 25 سالہ فہیم اشرف نے جون 2017ء میں انگلینڈ میں کھیلی گئی چیمپئنز ٹرافی میں سری لنکاکے خلاف میچ سے اپنے ون ڈے کیریئر کا آغاز کیا تھا اور اب تک قومی ٹیم کے لیے 18 ون ڈے میچز میں 28.06 کی اوسط سے 18 وکٹیں حاصل کرچکے ہیں ، انہوں نے ستمبر 2017ء میں ورلڈ الیون کے خلاف اپنے ٹی ٹونٹی کیریئر کا آغاز کیا تھا اور اب تک قومی ٹیم کے لیے 25 میچزمیں20.12 کی اوسط سے 24 وکٹیں حاصل کرچکے ہیں ،انہوں نے 27 اکتوبر 2017ء کو سر ی لنکا کے خلاف ابوظہبی میں کھیلے گئے ٹی ٹونٹی میچ کے دوران ہیٹرک کرنے والے پہلے پاکستانی اور دنیا کے چھٹے باﺅلر ہونے کا اعزاز بھی حاصل کیا تھا،فہیم اشرف نے مئی 2018ء میں آئر لینڈ کے خلاف اپنے ٹیسٹ کیریئر کا آغاز کیا اور اپنے پہلے ہی میچ میں 83 رنز کی عمدہ اننگز کھیلی، وہ اب تک4ٹیسٹ میچز میں 26.09 کی اوسط سے 11 وکٹیں بھی حاصل کرچکے ہیں ۔دوسری جانب قومی کرکٹ ٹیم کے نوجوان آل راؤنڈر فہم اشرف نے ثابت کردیا کہ سب سے پہلے پاکستان اور انہوں نے جذبہ حب الوطنی کی اعلیٰ مثال قائم کرتے ہوئے ملک کے لئے ہزاروں پاونڈزکوٹھوکرماردی اور قومی ٹیم میں مصروفیات کے باعث انگلش کاؤنٹی ڈربی شائر سے معاہد ہ ختم کردیا ہے۔
ذرائع کے مطابق آل راؤنڈرفہیم اشرف نے قومی ٹیم میں مصروفیات کے باعث کاؤنٹی کلب کرکٹ کا معاہد ہ قربان کردیا ہے اورانگلش کاؤنٹی کرکٹ نہ کھیلنے کا فیصلہ کرتے ہوئے ثابت کردیا ہے کہ پیسوں سے زیادہ ان کی پاکستان کرکٹ ٹیم کو زیادہ ضرورت ہے، خیال رہے کہ فہیم اشرف کو انگلش کاؤنٹی کرکٹ کلب کی جانب سے 14 ٹی ٹونٹی اور دو 4 روزہ میچ کھیلنے تھے لیکن وہ قومی ٹیم کی مصروفیات کے باعث اس معاہدے سے دستبردار ہوگئے ہیں اور انہوں نے معاہدہ ختم کر دیا ہے،انہیں جولائی سے ستمبر کے دوران کاونٹی کی نمائندگی کرناتھی جبکہ اسی دوران پاکستان نے آسٹریلیااورزمبابوے کےساتھ تین ملکی ٹی ٹونٹی ٹورنامنٹ کھیلناہے۔واضح رہے کہ پاکستان کرکٹ ٹیم کو رواں سال جولائی سے ستمبر تک ایشیا کپ اور ایک تین ملکی سیریز کھیلنی ہے جب کہ انگلش کاؤ نٹی سیزن بھی جولائی سے ستمبر تک ہی شیڈول ہے۔نوجوان کھلاڑی کو حال ہی میں دورہ انگلینڈ اور آئرلینڈ کے لیے بھی 16 رکنی ٹیسٹ سکواڈ میں شامل کیا گیا ہے۔یاد رہے کہ فہیم اشرف اس سے قبل بھی قومی کرکٹ ٹیم کی مصروفیات کے باعث بنگلہ دیش پریمیئرلیگ کا معاہدہ بھی ختم کر چکے ہیں۔یاد رہے کہ آل راؤنڈرفہیم اشرف ڈیبیو کرکے پاکستان کی جانب سے ون ڈے انٹرنیشنل کھیلنے والے 213ویں کھلاڑی ہیں۔چیمپئنزٹرافی کے اہم میچ میں پاکستان نے آل راؤنڈرفہیم اشرف کوٹیم میں شامل کیا تھا، قومی ٹیم کے سابق کپتان اظہرعلی نے میدان میں اترنے سے قبل گرین کیپ دی تھی ۔فہیم اشرف 31 فرسٹ کلاس میچز میں 63.86 کی اوسط سے 1207 رنز بنا چکے ہیں جبکہ 26.63 کی اوسط سے 94 وکٹیں بھی حاصل کررکھی ہیں۔واضح رہے کہ چیمپئنز ٹرافی سے قبل بنگلہ دیش کے خلاف وارم اپ میچ میں فہیم اشرف نے شاندار بیٹنگ کرتے ہوئے پاکستان کی لڑکھڑاتی بیٹنگ کو سہارا دیا تھا اور 30 گیندوں پر 64 رنز کی ناقابل شکست اننگز کھیلتے ہوئے 342 رنز کا بڑا ہدف عبور کرنے میں اہم کردار ادا کیا تھا۔
