بالی ووڈ کے معروف اداکار سنجے دت کی زندگی پر نئی فلم بننے جارہی ہے جس میں اداکار رنبیر کپور سنجو بابا کا کردار نبھاتے نظر آئیں گے۔
بھارتی میڈیا رپورٹس کے مطابق اس فلم کا دلچسپ ٹریلر جاری کردیا گیا ہے جسے شائقین کی جانب سے بھرپور پذیرائی حاصل ہو رہی ہے اور اسے ابتک یوٹیوب پر11ملین سے زائدلوگوں نے دیکھ لیا۔
اس فلم میں رنبیر سنجے دت کا روپ دھارے اپنی اداکاری کے جوہر دکھاتے نظر آئیں گے جبکہ منیشا کوئرالہ بھی اس فلم میں نرگس دت یعنی فلم میں رنبیر کپور کی ماں کا کردار ادا کریں گی۔
فلم ’سنجو‘ کے دھماکے دار ٹریلر پر فلمی شخصیات بھی خاموش نہ رہے اور انہوں نے اپنی رائے سے ٹریلر کو بھرپور انداز میں سراہا۔
اداکار انیل کپور نے تعریف کرتے ہوئے کہا کہ فلم کے ٹریلر کی تعریف کرنے کے لئے میرے پاس الفاظ نہیں۔
فلم ساز کرن جوہر نے بھی راجکمار ہیرانی اور رنبیر کپور کی تعریف کی اور کہا کہ دماغ کو ہلا دینے والا ٹریلر ہے۔
راج کمار ہیرانی کی ہدایت کاری میں بننے والی اس فلم میں رنبیر کپور اور منیشا کے علاوہ سونم کپور،دیا مرزا اور انوشکا شرما بھی مرکزی کردار میں جلوہ گر ہوں گی۔
فلم رواں سال29جون کو سنیما گھروں میں ریلیز کی جائے گی۔
