کراچی : پیپلزپارٹی کے چیئرمین بلاول بھٹوزرداری کا کہناہے کہ پنامابل کے پاس ہونے تک شریف خاندان کا احتساب ممکن نہیں ہے اور انہوں نے کہا کہ حکومت سے چار مطالبات منوانےکیلئےسب ہماراساتھ دیں۔
پیپلزپارٹی کے سربراہ بلاول بھٹو زرداری نے سماجی رابطے کی ویب سائٹ ٹوئٹر پر اپنے ٹوئٹ میں کہاکہ پنامابل کے پاس ہونے تک شریف خاندان کا احتساب ممکن نہیں ہے
بلاول بھٹو زراری نے دیگر اپوزیشن جماعتوں سے مخاطب ہوتے ہوئے کہا کہ حکومت سے چار مطالبات منوانےکےلیےسب ہماراساتھ دیں۔
پیپلزپارٹی کے سربراہ بلاول بھٹو زرداری کی سربراہی میں لاہور کے بلاول ہاؤس میں 30 نومبر کو اوپن ورکرز کنونشن ہوگا جس میں بلاول بھٹو جیالوں کی شکایات سنیں گے۔
بلاول بھٹو پنجاب میں قیام کےدوران پہلےمرحلےمیں صوبےکے ہرڈویژن کا دورہ کریں گے۔دوسرےمرحلےمیں پنجاب کےتمام اضلاع ہدف ہوں گے۔
ملکی مسائل کا حل بلاول کے چار نکاتی ایجنڈے میں ہے،رحمان ملک
یاد رہے کہ گزشتہ روز پیپلز پارٹی کے مرکزی رہنماسینیٹر رحمان ملک کا کہناتھاکہ ملکی مسائل کا حل بلاول کے چار نکاتی ایجنڈے میں ہے۔
ستائیس دسمبر کوحکومت مخالف تحریک کا اعلان کریں گے،خورشیدشاہ
اس سے قبل گزشتہ روز اپوزیشن لیڈر خورشید شاہ کا کہناتھاکہ نوازشریف کی وجہ سے ملک خطرات میں ہے۔انہوں نے 27دسمبرکوحکومت مخالف تحریک کے اعلان کی بات بھی کی تھی۔
واضح رہے کہ بلاول بھٹو27دسمبر سے پہلے حکومت کے خلاف صف بندی کےلیےحزب اختلاف کی جماعتوں سےرابطے بھی بڑھائیں گے۔
