لاہور: سانحہ ماڈل ٹاؤن کیس فل بنچ میں زیر سماعت ہے، سنگل بنچ کا فیصلہ معطل کیا جائے: درخواست میں موقف
پنجاب حکومت نے سانحہ ماڈل ٹاؤن کی انکوائری کمیشن کی رپورٹ کو منظر عام پر لانے کے عدالتی حکم کے خلاف لاہور ہائیکورٹ میں انٹرا کورٹ اپیل دائر کردی۔ پنجاب حکومت نے عدالتی فیصلے کے خلاف انٹرا کورٹ اپیل لاہور ہائیکورٹ میں دائر کی ہے۔ جس میں لاہور ہائیکورٹ کے جوڈیشل انکوائری جاری کرنے کے فیصلے کو چیلنج کیا گیا ہے.اپیل میں یہ نشاندہی کی گئی کہ معاملہ لاہور ہائیکورٹ کے فل بنچ کے روبرو زیر سماعت ہے لیکن سنگل بنچ نے رپورٹ منظر عام پر لانے کا حکم دے دیا۔ اپیل میں یہ نکتہ اٹھایا گیا کہ جب معاملہ فل بنچ کے پاس زیر سماعت ہو تو اسی نوعیت کے معاملہ پر کارروائی نہیں ہو سکتی، اپیل میں اعتراض اٹھایا گیا کہ سنگل بنچ نے جوڈیشل انکوائری کی رپورٹ کو منظر عام پر لانے کے معاملہ پر فیصلہ دیا۔ اپیل میں استدعا کی گئی کہ سنگل بنچ کے فیصلے کو کالعدم قرار دیا جائے۔
